Бүгүн, алтынньы 9 күнүгэр, Тамалакаан нэһилиэгэр Үөһээ Бүлүү улууһун "Кыра кыамталаах х...
Бүгүн, алтынньы 9 күнүгэр, Тамалакаан нэһилиэгэр Үөһээ Бүлүү улууһун "Кыра кыамталаах хотоннору тутуу уонна саҥардыы" бырагыраамматынан тутуллубут саҥа хотон үөрүүлээх быһыыга-майгыга арылынна. Тэриллиилээх хаһаайыстыба салайааччыта, эдэр урбаанньыт Руфов Алгыс Антонович Тамалакаан нэһилиэгин кэскиллээх фермера буолар. Кини тыа хаһаайыстыбатын эйгэтигэр үлэлээбитэ быйыл алтыс сыла. Хаһаайыстыбаҕа билигин 55 төбө сүөһүлээх, ол иһигэр 25 ыанар ынахтаах. Ону таһынан 23 сылгылаах, 18 биэлээх. Алгыс Антонович 2022 сылга "Агростартап" граныгар кыайан хаһаайыстыбатын кэҥэппитэ. Быйыл кини "Кыра кыамталаах хотоннору тутуу, саҥардыы" улуустааҕы бырагыраамма куонкуруһугар кыайан, 50 төбө батар кыра кыамталаах хотону тутууга улуустан 8 031 250 солкуобай субсидия көрүллүбүтэ. Бу үпкэ бэйэлэриттэн эбэннэр, эдэр ыал кыстык иннинэ хотоннорун ситэрэн, бүгүн үөрүүлээхтик арыйдылар. Хотон арыллыытыгар улуус дьаһалтатын, нэһилиэк салалтатын бэрэстэбиитэллэрэ уонна нэһилиэк олохтоохторо кыттыыны ыллылар. Руфовтар хаһаайыстыбалара билигин үүт туттарыытыгар үчүгэй көрдөрүүлэри ситиһэр. 2026 сылга үүт туттарар былааннара 45 тонна, онтон бүгүҥҥү күҥҥэ 37,7 тонна үүтү туттардылар. Руфовтар дьиэ кэргэӈӈэ быйаҥнаах, ситиһиилээх үлэни, уйгулаах олоҕу, чэгиэн-чэбдик туругу, дьолу-соргуну баҕарабыт! Кинилэр холобурдара эдэр ыччаттарбытыгар тыа хаһаайыстыбатыгар күүскэ үлэлииргэ, сайдарга күүстээх көҕүлүк буоллун! Улууспут тыа хаһаайыстыбата өссө күүскэ сайдарыгар, инникитин даҕаны маннык эдэр, дьулуурдаах ыччаттарбытын өйүөхпүт! Сарсын улууспут өссө биир эдэр эрчимнээх фермерын Александр Потапов саӈа хотонун арыллыыта күүтэр. #СельскоеХозяйство #ТыаХаһаайыстыбата #Тамалакаан #МолодыеФермеры max.ru/channel_VNikolaev