8 июльдә «Урман иле» ял һәм сәламәтләндерү лагеренда ял итүче 60тан артык бала ГТО норм... — 9 июля 2026 г. в 06:35:21.571
8 июльдә «Урман иле» ял һәм сәламәтләндерү лагеренда ял итүче 60тан артык бала ГТО нормативларын үтәде Балалар турникта тартылу, идәннән этелү, озынлыкка сикерү, алга иелү һәм 1 минут эчендә гәүдәне күтәрү кебек ГТО нормативларын үтәделәр. «Чара нәтиҗәләре буенча беркетмә төзелде, алынган мәгълүматлар ГТОның автоматлаштырылган мәгълүмат системасына (АИС ГТО) кертелә. Балаларның уңай хис-кичерешләре һәм шәхси уңышлары аларның җәйге ялын тагын да истәлеклерәк итте, үз көчләренә һәм мөмкинлекләренә ышанычларын арттырды», - дип хәбәр итә Мөслим районы ГТО берләшмәсе җитәкчесе Расил Фәттахов. «Демография» илкүләм проекты кысаларында гамәлгә ашырылган «Спорт – тормыш нормасы» федераль проекты ярдәмендә Россия халкы өчен актив һәм сәламәт яшәү рәвеше алып бару мөмкинлекләре елдан-ел киңәя бара. Илдә даими рәвештә массакүләм спорт чаралары үткәрелә, йортлар янында күнегүләр өчен спорт инфраструктурасы яңартыла. Һәркем үзенең физик әзерлек дәрәҗәсен ГТО нормативларын бушлай үтәп тикшерә ала. Профессиональ һәм балалар-яшүсмерләр спортын үстерү максатыннан стадионнарны, күпфункцияле спорт комплексларын һәм спорт мәктәпләрен реконструкцияләү, яңадан җиһазландыру һәм төзү программалары гамәлгә ашырыла. Илкүләм проектлар 2019 елдан Россия Федерациясе Президенты Владимир Путин карары нигезендә тормышка ашырыла. Фотолар - ГТО-Мөслим сәхифәсеннән. #Мөслим_спорты