Музейга балалар кече яшьтән йөрергә өйрәнсә, үсә төшкәч тә ул шуңа омтыла, музейдагы яң... — 1 августа 2026 г. в 09:08:20.662
Музейга балалар кече яшьтән йөрергә өйрәнсә, үсә төшкәч тә ул шуңа омтыла, музейдагы яңалыклар белән кызыксына, яңа мәгьлүматлар алырга тырыша. Казан шәһәрендә үскән, әби-бабайсына каникулга ял итәргә кайткан Камилә Фәттәхова шундый балаларның берсе. Ул кече яшьтән гел музейга килде, бераздан энесе белән килә башлады. Хәзер инде Камилә 11 нче сыйныфны тәмамлаган. Уку белән беррәттән ул сәнгать мәктәбендә дә белем алды, рәсем ясарга ярата, ярата гына да түгел, ә бөтен күңелен биреп иҗат итә. 10 яшьлек вакытта музейга тематик рәсемнәр ясап бүләк иткән иде. Алар бүген дә саклана. Җиде елдан соң музей фондында үзенең рәсемнәрен күргәч, Камилә бик шатланды. Рәсемнәрнең берсен табигатькә чыгып, энесе, күрше балалары белән бергә ясаганын, кайда кемнең кул рәсемнәре төшерелгәнен дә искә алды. Камиләнең тагы берничә рәсеме музейда саклана. Мин аларны һәрвакыт кулланам, кечкенә дусларга үрнәк итеп тә күрсәтәм. Ә икенче фотода Камилә дус кызы Зәлинә Шәймуллина белән. Алар бергәләп китап укырга яраталар. #АрсКультура #МәһдиевМузее #КазанАртыМузее