🍁🍂Хүндүлүг башкылар! А. С. Пушкин аттыг Национал ном саңының мурнундан силерге буян с...
🍁🍂Хүндүлүг башкылар! А. С. Пушкин аттыг Национал ном саңының мурнундан силерге буян сиңген “башкы” деп чымыш иштиг мергежилиңерниң байырлалы-биле сеткиливис ханызындан чылыг, чымчак байырывыс чедирип тур бис! Силерге чаа-чаа чогаадыкчы дилээшкиннерни, сергек-омак кадыкшылды, чаптанчыг өөреникчилериңерниң ынакшылын, бүзүрелин, ада-иелерниң хүндүткелин күзевишаан, сүлде-сүзүүңер ам-даа бедик болурун йөрээдивис! Башкы – ол анаа-ла бир мергежил эвес, а ёзулуг салым-чаяан, бедик негелде, харыысалга, сагыш-сеткилден бердинген улуг күжениишкин. Шынап-ла, башкының чымыштыг ажылгырындан, ооң шынчы ак сеткилдиинден, сагыш човангырындан, дузааргак биче сеткилдиинден, медерелдиг эртем-билиинден, буянныг, чымчак сеткилинден уругларның кижизидилгези болгаш өөредилгези кол хамаарылгалыг. Башкы кижи аажок шыдамык, кичээнгейлиг, эскериичел, уругларның сагыш-сеткилинче кирип, кандыг-даа байдалда оларга ажыктыг арга-сүмелерни берип шыдаар, бергелерни ажып эртеринге, шын шиитпир хүлээп алырынга дузалаар, оларның эң-не бүзүрээр чоок өңнүү. Башкы – эң-не хүндүткелдиг мергежилдерниң бирээзи. Ол – кандыг-даа эртемнерниң каңнакчызы. Башкы – чуртувустуң чоргааралы, келир үениң бурунгаар сайзыралының уран шеверлекчизи. Өндүр мерген ишчи башкы ачызында Өргүн көвей бичии чаштар кижи болур. Амыдырал оруундува чепсеглеп каар Авыралдыг башкыларга алдар-мактал...