«Дыңна, Тыва Ном!» деп төлевилелдиң ажылын уламчылаары-биле хүндүлүг өгбе чогаалчывыс, ...
«Дыңна, Тыва Ном!» деп төлевилелдиң ажылын уламчылаары-биле хүндүлүг өгбе чогаалчывыс, уран чүүлдүң, тыва дылдың, тыва чогаалдың, ылаңгыя уруглар чогаалының сайзыралы дээш, бүгү чогаадыкчы ажыл-ижиниң оруун харам чокка бараалгадып чораан, «Сылдысчыгаш» уруглар солунунуң болгаш «Улуг-Хем» сеткүүлүнүң үндезилекчилериниң бирээзи, Тыва Республиканың алдарлыг ажылдакчызы, Тываның Улустуң чогаалчызы, Тываның Журналистер, Чогаалчылар эвилелдериниң кежигүнү база чогаал талазы-биле Күрүне шаңналдарының эдилекчизи, Россияның хүндүлүг донору, Кызыл хоорайның Хүндүлүг хамаатызы Чооду Күнзекович Кара-Күскениң төрүттүнген хүнүнден бээр 90 харлаанынга уткуштур ажык чугааже чалаан турган бис. Ол бо чылын май 5-те мугур 90 харлаан. Ужуражылгадан чогаалчының бижик-билигни канчаар өөренип алганы, чогаал оруунче сонуургалы канчап оттуп келгенин база амыдыралындан эң-не солун сактыышкыннарын чугаалап берген интервью-чугаазын база катап номчукчуларга салдывыс.