Уһуйааммытыгар бу нэдиэлэҕэ доруобуйаларынан хаачахтаах уонна инбэлиит о5олорго туһай... — 24 апреля 2026 г. в 09:04:10.810
Уһуйааммытыгар бу нэдиэлэҕэ доруобуйаларынан хаачахтаах уонна инбэлиит о5олорго туһайыллыбыт «Кынаттаах дьол» тэрээһин ыытылынна. Бастакы күн: «Таптал кыната» дьиэ кэргэҥҥэ анаммыт көрсүһүүгэ төрөппүт оҕотун ситиһиилэрин, сатабылын уонна өссө туохха болҕомто ууруллуон ону туоратарга аһаҕас кэпсэтии буолла. Иккис кун: « Талаан кыната» о5олор биирдиилээн эбэтэр бөлөҕүнэн дьарыктары, араас хамсаныылаах оонньуулары уонна кэрэ эйгэ кутугар уйдаран ыллылар. Үһүс кун : «Дьол кыната» түмүк тэрээһиммитинэн буолла олохтоох инбэлииттэр уопсустубаларын кытта холбоһуктаах бырайыакпыт (Федорова О.К, Эверстова Т.М) корнхолл күрэҕэ. Оҕо уонна төрөппүт биир хамаанда буолан күрэхтэстилэр. Бу күрэххэ бары кыайыылаах буоллулар, хотторбут хомолтотун ким да билбэтэ. Барыбытыгар грамота бэлэх туттардылар. Кыайыы кынаттанан, үөрүү доҕуһуолунан тарҕастыбыт. Инникитин бу бырайыакпытын таһымын үрдэтэн улуус таһымнаах ыытар баҕалаахпыт. Уонна Мичийэбит Казахстаҥҥа эмтэнэ барарыгар уһуйаан коллектива көмө харчыны төрөппүттэригэр туттардыбыт. Төрөппүттэрбэр махтал! оҕолорбут тирэнэр тирэхтэрэ Эһиги буолаҕыт, онтон эһигини кынаттыыллар ОҔОЛОРГУТ. Эйигин кытта бииргэбит. Эн хараххар – сырдык уостубат эрэл, Эн сүрэххэр – таптал, муҥура суох күүс. Оҕоҥ туһугар эн күнү- түүнү тэҥнээн, Ыарахан диэбэккэ барытын тулуйууҥ. Кыһалҕа үөһүгэр сороҕор мунчаарыма, Саатар биирдэ даҕаны санааҕын түһэримэ. Оҕоҥ мичээрэ-эн олоҕуҥ дьоло, Оҕоҥ инникитэ- эн баҕарбыт соругуҥ. Биһиги бииргэбит, эн соҕотох буолбатаххын, Сир үрдүгэр барыта тутулуктаах. Оҕоҥ – эн кыната, эн кини тирэҕэ, Сарсыҥҥы күн өссө сырдык буолуоҕа! Үтүө санаа туохха барытыгар кыайар, Күүстээх сүрэх ааннары арыйар. Эн дьоллоох буол, оҕоҥ дьоллоох буолуо, Эрэл уота куруук эн суолгун сырдатыа!