«Эрбэхчэй Бэргэн-2026» — 29 мая 2026 г. в 06:53:13.683
«Эрбэхчэй Бэргэн-2026» Ыам ыйын 28 күнүгэр үгэскэ кубулуйбут «Эрбэхчэй Бэргэн» оскуолаҕа киириэн иннинээҕи саастаах уолаттарга аналлаах саха төрүт оонньууларыгар улуустааҕы күрэх үрдүк таһымҥа буолан ааста. Туллукчаанаттан 6 уол, Кырачаан ымыыттан, Кэнчээриттэн, Айылгыттан биирдии уол кэлэн кытыннылар, уопсайа 9 уолан күөн көрүстүлэр. Кырачаан күрэхтэһээччилэр 5 көрүҥҥэ кииристилэр. Бастакы көрүҥ «Куобахтаан ыстаныы» 1 м - Никитин Стас - «Кырачаан ымыы»,2 м - Контоев Арылхан, Никаноров Дархан - «Туллукчаана»-3 м. «Мас тардыһыы»: Никитин Стас - 1 м., Петров Эрхан - 2 м., Контоев Арылхан - 3 м. «Оҕунан ытыы»: Петров Эрхан - 1 м., Никаноров Дархан - 2 м., Семенов Эрсан - 3 м. «Халбас харата»- Петров Эрхан - 1 м., Семенов Эрсан - 2 м., Контоев Арылхан - 3 м. «Мэһэйдээх сүүрүү» - Никаноров Дархан - 1 м., Никитин Стас - 2 м., Контоев Арылхан - 3 м. Уопсай түмүккэ муҥутуур кыайыылааҕынан 12 очколаах Никитин Стас «Кырачаан ымыылар» о.с.к., 2 бочуоттаах миэстэҕэ таҕыста 15 очколаах Эрхан Петров «Кэнчээри» детсаттан, 3 бочуоттаах миэстэҕэ «Туллукчаана» о.с.к. Дархан Никаноров ылла. Кыттыбыт уолаттар бары сыаналаах бирииһинэн, дипломунан наҕараадаланнылар. Муҥутуур кыайыылаах ЧОП «Беркут» А.И. Герасимов туруорбут велосипедынан наҕараадаланна. Ону таһынан оҕолорго бириис туруорбут партнердарбытыгар «Түмэн» Одуну нэһилиэгин аҕаларын түмсүүтүгэр, нэһилиэк олохтоохторугар, «Туллукчаана» коллективыгар барҕа махталбытын биллэрэбит. Уол оҕону кыра сааһыттан эт - хаан өттүнэн эрчийиҥ, саха төрүт оонньууларынан оонньооҥ, сайыннарыҥ! «Далаһа» пресс - киин.