*«Хамсаныы тэтиминэн саҥарабыт, үгүһү ситиһэбит» — II-с Өрөспүүбүлүкэтээҕи күрэх түмүкт...
*«Хамсаныы тэтиминэн саҥарабыт, үгүһү ситиһэбит» — II-с Өрөспүүбүлүкэтээҕи күрэх түмүктэннэ!* Чурапчы улууһун П.И. Борисова аатынан «Улыбка» уһуйаанын логопед-дефектолога, РФ уопсай үөрэхтээһин бочуоттаах үлэһитэ Светлана Васильевна Артемьева ааптарскай үлэтигэр олоҕуран ыытыллыбыт күрэхпит олус тэрээһиннээхтик ааста. Бу күрэххэ Чурапчы, Мэҥэ-Хаҥалас, Горнай улуустарыттан уонна Дьокуускай куораттан элбэх талааннаах педагогтар, кыһамньылаах төрөппүттэр кыттыыны ыллылар. Киирбит үлэлэри Чурапчы улууһун үөрэҕин салалтатыттан-Оконешникова Маргарита Прокопьевна, Алексеева Саргылана Егоровна уонна Чурапчы сэлиэнньэтин П.И.Борисова аатынан «Улыбка» оҕо саада – оҕону сайыннарар киинтэн-ааптар Артемьева Светлана Васильевна сыаналаатылар. 🏆 Муҥутуур кыайыылаах үрдүк аатын Горнай улууһун Маҥарас сэлиэнньэтин «Туллукчаана» оҕону сайыннарар киинин педагога Таисия Маркельевна Эверстова ылла! Таисия Маркельевна ийэ тыл дорҕоонун хамсаныы тэтиминэн сөптөөхтүк саҥарыыны аныгылыы тупсаран, айымньылаахтык киллэрбитин дьүүллүүр сүбэ үрдүктүк сыаналаата. Күрэххэ кыттыбыт бары педагогтарга, төрөппүттэргэ ис сүрэхтэн тахсар дьоһун үлэҕит, оҕо сайдыытыгар уурар кыһамньыгыт иһин истиҥ махталбытын тиэрдэбит! Эһиэхэ үлэҕитигэр үрдүк ситиһиилэри, тус олоххутугар дьолу-соргуну уонна саҥаттан саҥа айар үлэни баҕарабыт! Чурапчы улууһун Үөрэҕириитин салалтата.