Ыам ыйын 18 күнэ- аан дойдуга Музей күнэ . Бу үөрүүлээх бэлиэ күҥҥэ Бэрдьигэстээх сэлиэ... — 19 мая 2026 г. в 02:07:40.534
Ыам ыйын 18 күнэ- аан дойдуга Музей күнэ . Бу үөрүүлээх бэлиэ күҥҥэ Бэрдьигэстээх сэлиэнньэтигэр VI төгүлүн ыытыллар улуустааҕы "Тимофеевскай ааҕыылар"(бырайыак ааптардара Маҕарас орто оскуолатын үөрэх чааһын сэбиэдиссэйэ Сокольникова Н.Н., Одуну нэһилиэгин "Туллукчаана" оҕо сайдар киинин психолога Ноговицына М.Т.) кэскиллээх чинчийээччилэри уонна кыраайы үөрэтээччилэри биир сиргэ түмтэ. Быйылгы ааҕыыларга тэрийээччилэр нэһилиэктэр устуоруйаларын, үйэлээх өйдөбүнньүктэрин уонна умнууга барбыт сэдэх матырыйааллары тилиннэриигэ улахан болҕомтону уурда. Тэрээһин музейдар үлэлэрин сырдатыы, ураты устуоруйалаах сэдэх экспонаттары билиһиннэрии уонна музей архыыптарыттан булуллубут матырыйааллары кэпсээһин буолла. Кыттааччылар бэйэлэрин дакылааттарыгар үйэлэр тухары харыстанан кэлбит маллар, былыргы суруктар-бичиктэр уонна улуус сайдыытыгар сүдү кылааты киллэрбит дьон олохторун туһунан дириҥ ис хоһоонноох чинчийиилэри көрдөрдүлэр. "Тимофеевскай ааҕыылар" кыттааччыларга устуоруйаны дириҥник билэллэригэр, урукку уонна аныгы кэм быстыспат ситимнээҕин өйдүүллэригэр улахан кыаҕы биэрдэ. Тэрээһин түмүгүнэн бастыҥ, ураты чинчийиилээх үлэлэр үрдүк сыанабылы ыллылар, олохтоох музейдар үлэлэрин өссө күүһүрдэр араас кэскиллээх этиилэр киирдилэр. Ол курдук, ааҕыы үс секциянан ааста. *1 секцияҕа* нэһилиэк музейдарын үлэтин туһунан кэтэхтэн видеоролик устуутун күрэҕэр уопсайа 4 үлэ киирдэ. 3 миэстэни Маҥаны нэһилиэгин музейа (Реброва А.В.) уонна Одуну нэһилиэгин "Албан аат" музейа ( Поротова Д. Е., Корякина П. М.) ыллылар, 2 миэстэ-Күөрэлээх нэһилиэгин музейа (Федорова М.Н., Корякина А.Х.), 1 миэстэ- Солоҕон нэһилиэгин музейа (Тарасов В.Н., Алексеева С.К., Тарасова П.Н.) буолла. "*Оскуолабыт музейа*" секцияҕа Л.Н. Харитонов аатынан Маҕарас орто оскуолатын К.И. Платонов аат. "Үөрэнээччи уонна учуутал ситиһиитэ" музей кыайыылааҕынан таҕыста. "*Кыраайы үөрэтээччи булумньута*" секцияҕа 6 кыттааччы кытынна. 1 миэстэни ылла- Осипова М.И. (Маҥаны орто оскуолатын педагог-бибилэтиэкэрэ), 2 миэстэ-Стручков Рамир (Өрт орто оскуолатын үөрэнээччитэ), 3 миэстэ- Охлопкова Н.Х. (Күөрэлээх орто оскуолата) ааттанна. "*Музей тыыннаах устуоруйата*" секцияҕа уопсайа 24 киһи кытынна. 1 миэстэ-Федорова М.Н. (Күөрэлээх нэһ.) 2 миэстэ-Тарасов В.Н. (Өрт орто оскуолатын учуутала), 2 миэстэ- Павлов Никита (Өрт орто оскуолатын 7 кыл. үөрэнээччитэ), 2 миэстэ- Алексеева С.К. (Өрт орто оскуолата), 3 миэстэ-Степанова М.Р. ( Маҕарас орто оскуолатын педагог-бибилэтиэкэрэ), 3 миэстэ-Ноговицына Даяна (С.П.Данилов аат. Бэрдьигэстээх орто оскуолатын 10 кыл. үөрэнээччитэ), 3 миэстэ- Текеянов Прокопий ( Өрт орто оскуолатын 7 кыл. үөрэнээччитэ), 3 миэстэ- Леонтьева М.И. ( Кировскай нэһ.), 3 миэстэ- Мыреева Виолетта (Маҕарас орто оскуолатын 8 кыл. үөрэнээччитэ) ылары ситистилэр. Маны тэҥэ, биһирэбил суругунан наҕараадаланнылар Тарасова П.Н. ( Өрт орто оскуолатын педагог-бибилэтиэкэрэ) уонна Уваровская Камилла ( Маҕарас орто оскуолатын 8 кыл.үөрэнээччитэ). Тимофеевскай ааҕыылар сүрүн спонсордарынан буоллулар: Тимофеевтар дьиэ кэргэн, Горнай улууһун үөрэҕин салалтата, М. Е. Тимофеев аат. Бэрдьигэстээхтээҕи кыраайы үөрэтэр музей, "Одуну нэһилиэгэ" тыа сирин түөлбэтэ, Л.Н. Харитонов аат. Маҕарас орто оскуолата, Одуну нэһилиэгин "Туллукчаана" оҕо сайдар киинэ. Үгэскэ кубулуйбут "Тимофеевскай ааҕыылар" өссө да дьон-сэргэ кэрэхсэбилин ыла турдун, сылтан сыл аайы кыттааччы, сүгүрүйээччи элбээн истин диэн баҕа санаабытын тиэрдэбит.