Саас кэлэн, айылҕа уһуктан бөх - сах тахсар кэмэ. Бу нэдиэлэ биир күнүгэр, "Үлэ киһини ... — 7 мая 2026 г. в 07:45:46.622
Саас кэлэн, айылҕа уһуктан бөх - сах тахсар кэмэ. Бу нэдиэлэ биир күнүгэр, "Үлэ киһини киэргэтэр, түмсүү күүһү биэрэр" - диэн санаалаах "Туллукчаана " коллектива, тула өттүбүт ыраас буоларыгар, дууһабыт сырдыырыгар, үлэбит-хамнаспыт тахсыылаах буоларыгар сыл аайы ыытыллар үгэс быһыытынан, уһуйааммыт тиэргэнин ыраастаатыбыт. Күлэ - үөрэ , күүспүтүн бииргэ ууран бүтэрэ охсон , видеороликтарга уһулуннубут. Хас биирдии үлэһит иккис дьиэтэ үлэлиир сирэ буолар ,онон биһигини биир сорук түмэр, биир санаа кынаттыыр! Онтон иккис күммүтүгэр , бэриниилээхтик үлэлээбит, үтүө холобур буолар, аҕа саастаах кырдьаҕастарбытыгар Контоева М. С., Жиркова М. С , Кожеваткина А. К , Контоева Г. Е., Лиханова У. Н. кыһамньы уонна болҕомто — биһиги иэспит. Субботник тэрийэн, тиэргэннэрин ыраастаан кырдьаҕастарбытыгар болҕомто уурдубут. Бэтэрээннэрбит биһиэхэ эмиэ махталларын биллэрэллэр күүс көмө буоларбытын. Түмүгэр Маҕарас олохтоохторо уонна тэрилтэлэрин үлэһиттэрэ нэһилиэк ыраас буоларыгар субботник буолла. Уһуйаан үлэһиттэрэ хаһан да туора турбакка, субботникка көхтөөхтүк кыттыыны ыллыбыт. Онон быйыл саас«Туллукчаана» уһуйаан коллектива тулалыыр эйгэни ыраастааһыҥҥа уонна тупсарыыга бэйэбит кылааппытын киллэрэн, нэдиэлэ устун субботникка көхтөөхтүк кытынныбыт.