Оҕону эт' хаан, доруобуйа өттүнэн сайыннарарга Дьокуускай к.элбэх өрүттээх спортивнай к...
Оҕону эт' хаан, доруобуйа өттүнэн сайыннарарга Дьокуускай к.элбэх өрүттээх спортивнай клубтар, кииннэр ааннара мэлдьи аһаҕас. Кэнники сылларга төрөппүттэр оҕолорун, тыа сиригэр сайда' тарҕана илик көрүҥнэргэ уһуйаары, дьарыктаары, манна болҕомтолорун туһаайаллар. Ол курдук бассейыҥҥа, элбэх сонун секцияларга, логопед' дефектолог үөрэхтэригэр ода сырытыннараллар. Бүгүн Дьокуускай к. 9 нүөмэрдээх оҕо спортивнай школатын иһинэн үлэлиир "Грация" - художественнай гимнастика студиятыгар, кытаанах тургутууну ааһан, атырдьах ыйыттан дьарыктанар саамай кырачааннар группаларыгар ыалдьыттыаҕыҥ. Төрөппүттэрин кынаттарын анныгар сылдьар 20-н тахса кэрэчээнэлэр манна мээчик, скакалка, обруч доҕоттордоммуттар, сиэркилэ иннигэр араас имигэс хамсаныылары оҥоро, эттэрин' сииннэрин эрчийэ оонньуу' тэйиэккэлэһэ сылдьаллар. Тренердэрэ, эдэркээн Лилиана Ивановна, Туяра Васильевна тылларын, сорудахтарын боччумура истэллэр, хас дьикти' кэрэ хамсаныыларын чаҕылыҥнас харахтар кэтииллэр. Бүгүн олус эппиэтинэстээх Гимнастика күнэ турнира🧑🩰👯♀️ -2 ыйга дьарыктаммыт үөрэхтэрин дьон' сэргэ ортотугар билиһиннэрэллэр, дьүүллүүр сүбэ иннигэр сыаналаналлар...2021с.кыргыттар, биллэн турар, турнир саамай туорахчааннара' кыралара. Мэниктии ' дьээбэлэһэ, күлэ ' үөрэ чаҕаарыһа, төрөппүттэрин диэки мичээрдэрин бэлэхтээт, күрэхтэһии түһүлгэтигэр тахсаллар...Кинилэр истэригэр "Туллукчаана" оҕо сайдар киинин иитиллээччитэ, 5 саастаах Эмилия Павлова баар, төрөппүттэрэ, "ыалдьааччылара" кинитээҕэр ордук долгуйа олороллор...Эдэркээн тренердэр сүрэхтэрэ тиҥиргэччи тэбэр, хас биирдии кырачааннарын хамсаныытын, сыралаах үлэлэрин түмүгүн кыраҕатык кэтииллэр...Урааа, Эмилиябыт 🥈миэстэ❗❗❗Дьэ, манна көрүө этигит аан бастакытын кыттааччы кэрэчээнэлэр эмоцияларын- ытыс таһыныы, өрө эккирээһин, куустуһуу' сыллаһыы, долгуйуу, хомойуу, сонньуйуу... Кыра эрдэхтэн эт' хаан сайдыытыгар ураты болҕомтону уурар, кэрэ' кыраһыабай эйгэни тэрийэр тэҥэ ирдэбили' бэрээдэги олохтуур, киһи быһыытынан иитиллэн тахсарга наадалаах хаачыстыбалары иҥэрэр тренердэргэ махтанабыт💫💖 Тулууру, дьаныары, тахсыыны, дабайыыны кырачааннарга, төрөппүттэргэ. "Далаһа" пресс киин. Одуну. "Туллукчаана"