Бүгүн "Туллукчаанаттан" туллуктана көтөр' дайар, билии дыбарыаһын дабайар, киэҥ аартыкк... — 28 мая 2026 г. в 03:48:35.413
Бүгүн "Туллукчаанаттан" туллуктана көтөр' дайар, билии дыбарыаһын дабайар, киэҥ аартыкка тахсар 12 выпускникпытын атаардыбыт. Маннык тэрээһиннэр үгүс долгутуулаах, истиҥ' иһирэх түгэннээх, умнуллубат, өйгө' сүрэххэ иҥэр кэрчиктээх буолаллар. Хас биирдии иитиллээччигэ сүрэх сылааһын иҥэрэн, сатабылы биэрэн, уһуйан' такайан таһаарар оҕо тэрилтэтин үлэһиттэрэ, оҕолорунааҕар долгуйар' ыгылыйар, бэрийэр ' тэрийэр, сүпсүгүрэр төрөппүттэр, үөрэн чаҕылыҥнаспыт, мытырыспыт, элбэх болҕомтоттон "тото" дьолломмут оҕолорбут...Соһуччу ыалдьыттар выпускниктарбытын сэргэхситтилэр- Машенька Эһээтинээн, Чуораанчык Уол, пираттар мүччүргэннээх сырыылара, "кылаат" булар умсулҕана о.д.а. Тапталлаах "Туллукчааналарыттан" бэлэх тутан, бастакы докумуоннарыгар дьоһуннаахтык илии баттаан, анал номинацияларга тиксэн, саха тэҥэ суох буоллулар. Төрөппүттэр тэрилтэ үлэһиттэригэр Махталларын биллэрэн, сибэкки дьөрбөтүн ууннулар, бэлэхтэри туттардылар. Детсадтарыгар бүтэһик бырааһынньыктара үөрүү, өрө көтөҕүллүү, дьоллонуу эйгэтигэр ааста. Дьоллоохтук туллуктана дайыҥ, оҕолорбут. Төрөппүттэр оскуола олоҕор тэбис тэҥҥэ кыттыһан, сиэттиспитинэн сылдьыҥ, бииргэ буолуҥ. Оҕо саас көрдөөх, бэһиэлэй бырааһынньыгын кэрэ түгэннэрин хаартыскалартан билсиҥ. "Далаһа" пресс киин. Одуну. " Туллукчаана".