«Ийэ тыл, сурук-бичик» күнүгэр аналлаах нэдиэлэ чэрчитинэн, биһиги уһуйааммытыгар олус ...
«Ийэ тыл, сурук-бичик» күнүгэр аналлаах нэдиэлэ чэрчитинэн, биһиги уһуйааммытыгар олус сэргэх уонна билиини хаҥатар көрсүһүү буолан ааста. Күндү ыалдьыппыт, библиотекарь Марфа Николаевна, улахан бөлөх оҕолоругар анаан сахалыы төрүт остуол оонньууларын билиһиннэрдэ. Оҕолор оонньуу нөҥүө өй-санаа сайдыытын, сахалыы тыл кэрэтин кытта билтистилэр. Ону таһынан, күүстээх, сымса буолууга тургутан, мастаах быаны эрийэн күрэхтэстилэр. Оҕолор бэйэ-бэйэлэрин өйөөн, күөн көрсөн, олус көхтөөхтүк кытыннылар. Бу курдук төрүт оонньуулар нөҥүө оҕо бэйэтин култууратын, тылын уонна омугун үгэстэрин билэрэ улахан суолталаах. Күн олус түргэнник уонна интэриэһинэйдик ааста! Оҕолорбут үөрэн-көтөн, саҥа билиини иҥэринэн таҕыстылар. Барҕа махтал Марфа Николаевнаҕа оҕолор билиитин хаҥаппытыгар уонна төрүт култуурабытыгар сирдээбитигэр!