Олунньу 10 күнүгэр биһиги уһуйааммытыгар олус туһалаах уонна кэрэхсэбиллээх көрсүһүү бу...
Олунньу 10 күнүгэр биһиги уһуйааммытыгар олус туһалаах уонна кэрэхсэбиллээх көрсүһүү буолан ааста. Улуустааҕы ветеринарнай управление үлэһиттэрэ кэлэн оҕолорго дьиэ кыылларын хайдах иитэр, көрөр-харайар туһунан сиһилии кэпсээтилэр. Бэсиэдэ кэмигэр оҕолор элбэҕи билээтилэр: • Дьиэ кыылын хайдах таба аһатыахха наадатын; • Кыыл доруобуйатын хайдах харыстыыры (быһыы туруоруу, ыраастык тутуу); • Кыылга кыһамньылаахтык уонна эппиэтинэстээхтик сыһыаннаһыы суолтатын. Оҕолорбут олус сэҥээрэн иһиттилэр, бэйэлэрин дьиэ иччилэрин туһунан үөрэ-көтө кэпсээтилэр. Ону таһынан, идэлээх үлэһиттэргэ бэйэлэрин интэриэһиргэтэр элбэх ыйытыыларын (боппуруостарын) биэрэн, толору хоруйдары ылыстылар. Бу курдук тэрээһиннэр оҕо кыра сааһыттан тыыннаах айылҕаҕа харыстабыллаахтык сыһыаннаһарга, истиҥ доҕотторун — дьиэ кыылларын — таптыырга уонна харыстыырга үөрэнэригэр улахан көмөлөөхтөр. Барҕа махтал улуустааҕы ветуправление үлэһиттэригэр кэлэн кэпсээбиттэригэр, оҕолор билиитин хаҥаппыттарыгар!