Хандагайты суурда Г.Тумат аттыг культура төвүнге Бүгү-делегейниң улуг назылыг кижилер х...
Хандагайты суурда Г.Тумат аттыг культура төвүнге Бүгү-делегейниң улуг назылыг кижилер хүнүнге тураскааткан чылыг-чымчак, сагыш-сеткилдиң ханызындан концерт болуп эрткен. Концертке улуг назынныгларнын ынак ырылары дыңналып, тус черниң артисттери ойнап, көрүкчүлер өөрүшкүлүг ырлап, адыш часкап турганнар. 👏 Байырлал чүгле өөрүшкүнүң чылдагааны эвес, а чугула кижизидилге сорулгазын база күүседип турган. Бистиң эмнелгеден эмчилер аалчыларга эң-не нептереңгей аарыглар: гепатит, ОРВИ болгаш өске-даа халдавырлыг аарыгларнын профилактиказынын дугайында лекцияны номчаан. Бөдүүн болгаш билдингир дыл-биле специалисттер кадыкшылды канчаар камгалаарын, кандыг демдектерже кичээнгейни салырын, кандыг профилактиктиг хемчеглер шынап-ла ажылдап турарын тайылбырлаан. 🩺 Ужуражылга үезинде суурнуң улуг назылыг чурттакчыларынга арыг-силигниң дүрүмнеринден эгелээш, тарылга болгаш кадык амыдырал дугайында сүмелерге чедир шупту кол медээлерни киирген информациялыг буклеттерни тывыскан. 📖 Эмчилер доктаамал диспансеризация эртериниң чугулазын онза кичээнгейге ап, кижи бүрүзүнге кадыын камнаарын соңгаарлатпазын, үезинде хыналда эртерин кыйгырган. Канчап-даа кээрге, эртежик диагностика аар бергедээшкиннерни болдурбас болгаш келир чылдарда идепкейлиг амыдыралды кадагалаарынга дузалаар. ❤️ Хундуткелдиг кижилеривистин кузели-биле хан базыышкынын база хемчег үезинде хынаан. 🌡️ Байырлалга келген кижи бүрүзүнге сеткиливис ханызындан өөрүп четтиргенивисти илередип тур бис. Эмчилеривистиң кээргээчел сеткили, мергежили, дуза кадарынга белен чоруу дээш чоргаарланыр бис. Кадыкшылыңар дээш сагыш човаары эки чаңчыл болзун, чоок кижилериңерниң кичээнгейи болгаш деткимчези хүн бүрүде чылыг болзун! 🌟