Үөрэх дьылын түмүктүүр, самаан сайын салаллан кэлбитин уруйдуур оскуолабыт бастыҥнар... — 27 мая 2026 г. в 07:32:42.927
Үөрэх дьылын түмүктүүр, самаан сайын салаллан кэлбитин уруйдуур оскуолабыт бастыҥнарын чиэстиир сүрүн тэрээһин "Чыпчаал-2026" ыам ыйын 26 күнүгэр үөрүүлээх быһыыга ыытыллынна. Бастатан туран сыл бастыҥнара ааттаннылар, анал стипендиялар тутарылыннылар. Октябрьскай нэһилиэгин дьаһалтатын харчынан анал премията ананна 11 кылаас үөрэнээччитигэр Потапова Янаҕа. Арассыыйа уонна Саха Рөспубликатын үтүөлээх артыыһа, Италияҕа норуоттар икки ардыларынааҕы конкурстар лауреаттара, биир дойдулаахпыт Анна Васильевна Дьячковская аатынан анал номинацияны тутта 11 кылаас үөрэнээччитэ Федорова Вераника. "Хорсун бэлиэ" наҕараадалаах, анал байыаннай дьайыы кыттыылааҕын Афанасий Попов сырдык аатын кэриэһигэр анаммыт “Оскуола бастыҥ спотсмена” анал туттарылынна 11 кылаас үөрэнээччитигэр Иванов Васяҕа. Олохтоох "Айылгы" оҕо уһуйаанын коллектива олохтообут «Алын сүҺүөх оскуола бастың выпускнига» анал аат туттарылынна 4 кылаас бастыҥ үөрэнээччитигэр Ковров Тимурга. "Айыы балаҕанын" сэбиэдиссэйэ Федорова Марфа Николаевна "Бастыҥ көхтөөх кылаас" анал ааты туттарда 6 кылаас коллективыгар, кылаас салайааччыта Анастасия Андреевна Обутова. Оскуола уонна "Айылгы" оҕо уһуйаанын үлэһиттэрин профкомун аатыттан выпускник оҕолорго сэмэй бэлэхтэри оскуола профсоюһун салайааччыта Нюргуяна Николаевна Жиркова уонна "Айылгы" оҕо уһуйаанын сэбиэдиссэйэ Мария Прокопьевна Яковлева туттартаатылар. Оскуола дириэктэрэ Айыына Анатольевна Константинова анаабыт "Оскуолабыт инники кэскилэ" анал ааты 2 кылаас үөрэнээччитигигэр Эрчим Семеновка, 7 кылаас үөрэнээччитигэр Айсен Абрамовка уонна 9 кылаас үөрэнээччитигэр Нарыйаана Жирковаҕа туттартаата. Л.С.Щербакова аатынан сынньалаҥ киин коллективын аатыттан анал ааты 11 кылаас үөрэнээччилэригэр Потапова Янаҕа, Соколов Славаҕа, Максимова Анабелга уонна 9 кылаас үөрэнээччитигэр Егорова Аленаҕа туттардылар. Олохтоох дьаһалта ыччаты кытары үлэтин специалиһа Айыына Александровна Семенова бэйэтин анал аатын туттарда 11 кылаас үөрэнээччитигэр Данилов Радмирга. Олохтоох библиотека сэбиэдиссэйэ Надежда Анатольевна Колочева анал ааты туттарда 1 кылаас үөрэнээччитигэр Андреева Глебка уонна 8 кылаас үөрэнээччитигэр Максимова Аделинаҕа. Олохтоох дьаһалта спортивнай инструктора Мирослав Харитонович Семенов бэйтин анал аатын анаата 11 кылаас үөрэнээччитигэр Ноговицын Никитаҕа. Олохтоох урбаанньыттарбыт Слепцова Ольга Иннокентьевна уонна Айаана Афанасьевна Оленова выпускник үөрэнээччилэргэ анал ааттары анаабыттара хайҕабыллаах суол. Олохтоох дьаһалта анаабыт "Сыл бастыҥ кылааһа" буолары ситистилэр 9 кылаас коллектива, кылаас салайааччыта Прохорова Ульяна Васильевна. Маны таһынан оскуола иһинэн үлэлиир естественнай уонна гуманитарнай наука учууталларын холбоһуктаах түмсүүлэрэ оскуолабыт киэн туттар учууталларын, коллегаларын математика учуутала, өр сылларга дириэктэри үөрэх чааһыгар солбуйааччы Николай Прокопьевич Васильев уонна РСФСР үөрэҕириитин туйгуна, «20-с үйэ директора», «Учууталлар учууталлара» бэлиэлэрдээх, «Улуус сайдыытыгар киллэрбит кылаатын иһин» бэлиэ хаһаайына, саха тылын уонна литературатын учуутала Марина Ивановна Аввакумова ааттарын үйэтитэр сыаллаах анал стипендиялары 11 кылаас үөрэнээччилэригэр Николаев Павел-Садамҥа, Иванов Васяҕа, Данилов Радмирга уонна Потапова Янаҕа туттартаатылар. Сыл бастыҥнарын, кэлбит ыалдьыттары оскуолабыт оҕолоро ырыанан, үҥкүүнэн эҕэрдэлээтилэр. Күндү оҕолорбутун эҕэрдэлиибит! Үрдүктэн үрдүк үгүс ситиһиилэри баҕарабыт!