🔔🔔🔔🔔🔔🔔🔔🔔🔔🔔🔔🔔🔔«Бүтэһик чуораан алгыстаах айаҥҥа атаарар». — 27 мая 2026 г. в 04:36:24.784
🔔🔔🔔🔔🔔🔔🔔🔔🔔🔔🔔🔔🔔«Бүтэһик чуораан алгыстаах айаҥҥа атаарар». Дьоллоох олох киэҥ суола Иннин диэки тыргыллар, Ситиһиилээх олоххо Эһигини ыҥырар. Тиирэ тэптин баарыскыт Билии-үөрэх тыалынан, Сырдыгынан сыдьаайдын Кэскиллээх сарсыҥҥыгыт. Бэҕэһээ, о.э. ыам ыйын 26күнүгэр, С.Г.Ковров аатынан Күөрэлээх орто уопсай үөрэхтээһин оскуолата бэйэтин выпускниктарын олох киэҥ аартыгар үктэннэрэр «Бүтэһик чуораан-2026» тэрийэн ыытта. Быйылгы үөрэх дьылыгар уопсайа 11 выпускник олох киэҥ суолугар үктэннэ, кылаас салайааччыта төрүт культура учуутала, педагог библиотекарь Кыдана Ионовна Тимофеева. Сахабыт сарсыҥҥы саргытын салгыахтаах кэнчээри ыччаты сырдыкка угуйар күөх уота Күөрэлээх үрдүнэн сандаарда. Оскуолаҕа саҕыллыбыт кыымы күөдьүтэн, үрдүктэн үрдүк ситиһиилэр сиэттиһэн истиннэр, туруоруммут сыалгытын ситиһэр дьулуурдаах буолуҥ диэн туран дириэктэр А.А.Константинова оскуола салалтатын аатыттан эҕэрдэ суругу оҕолорго, төрөппүттэргэ туттарда. Ону таһынан быйылгы выпускниктары олохтоох дьаһалта баһылыгын солбуйааччы Абрамова П.Г., маҥнайгы иитээччилэррэ Яковлева М.П., маҥнайгы учууталлара Жиркова Н.Н. эҕэрдэлээтилэр. Нэһилиэк олохтоохторун Үөрэнэр оскуолам үтүөҕүн өрүүтүн өйдүөҕүм, оҕо сааһым биһигин, мэлдьитин саныаҕым диэн харда тыл этэн туран оҕолор «Оскуолабар» оскуола гиимнин, вальс үҥкүүнү толордулар. Күндү выпускниктар! Аан маңнайгы чуорааңңыт эһигини билии дойдутугар ыңырбыта, оттон бүгүңңү чуорааңңыт олох киэң аартыгар ыңырар. Тиһэх чуораан лыңкынаата, үөрүү-көтүү аргыстаах, оскуола сыллара аастылар, эһигини иннигитигэр күүтэр олох тыргыллар киэҥ аартыга, саҥа дабайыылар. Араас үөрэх кыһатын үчүгэйдик түмүктээҥ, үлэһит үтүөтэ дэтэн, үлэ үөрүүтүн билээриҥ. Кэскиллээҕи кэрэхсээҥ, ыллыктааҕы ырыҥалааҥ, ылсыбыккытын ыһыктымаҥ, санаабыккытын саргылааҥ диэн алгыс тылбытын аныыбыт!☀️🙌🏻🙌🏻🙌🏻