Ытык мааны бэтэрээннэргэ - болҕомто.
Ытык мааны бэтэрээннэргэ - болҕомто. Дойдуга Аҕам саастаах дьон күнэ 1991 сылтан, алтынньы ый 1 күнүгэр бэлиэтэнэр. Билиҥҥи түргэн тэтимнээх сайдыылаах кэмҥэ дьон олоҕун уйгутун, хаачыстыбатын тупсарыы, үйэтин уһатыы болҕомто киинигэр буолла. Кыанар эдэр саастарыгар үлэ бөҕөнү үлэлээбит, сүүрбүт -көппүт дьоммутугар болҕомто ууруллан, аҕам саастаах дьон дьоһун саастарыгар тиийэн үөрэн - көтөн сылдьалларын көрөртөн ордук суохха дылы. Улуустааҕы үөрэх салалтата быйыл аҕам саастаахтар, Учуутал, иитээччи, эбии үөрэхтээһин үлэһиттэрин күннэрин былааннаан сэргэхтик ыытта. Ол курдук, алтынньы 6 күнүгэр 19 киһилээх бэтэрээн учууталлар делегацияларын Н. А. Золотарев аатынан саҥардыы арыллыбыт Боотулуу орто оскуолатыгар экскурсияҕа илдьэ сырытта. Олоҥхо дьиэтигэр алтынньы 9 күнүгэр бырааһынньыктааҕы улахан тэрээһин буолла. Бу күн улуустааҕы профсоюзнай комитет саҥа састааба (председатель Фёдоров Алексей Николаевич, специалиһа Поротова Христина Петровна) тэрээһининэн 65 саастарын туолбут үлэлээбэт пенсионердарга улуустааҕы "Алгыс" банкетнай саалаҕа улахан бырааһынньктааҕы тэрээһини ыытта. Маны сэргэ, үөрэх тэрилтэлэригэр аҕам саастаахтарга анал тэрээһиннэр ыытылыннылар. Аҕам саастаах дьоммут билигин үлэлии сылдьар эдэр көлүөнэҕэ үлэлэригэр ситиһиилэри, чөл доруобай туругу баҕарда уонна тэрилтэ салайааччыларыгар, чуолаан улуустааҕы үөрэх салалтатын саҥа састаабыгар, начальник Огочонов Л. Н., профсоюз председателэ Фёдоров А. Н. дириҥ махталларын эттилэр. Дьоллоох эрэ буолуҥ ытык - мааны аҕа көлүөнэ дьоммут! #аҕам саастаахтар күннэрэ #учуутал күнэ #улуустааҕы үөрэх салалтата