Саха сирин бастыҥ механизаторынан Александр Атласов ааттанна — 26 июня 2026 г. в 03:14:38.340
Саха сирин бастыҥ механизаторынан Александр Атласов ааттанна Дьокуускайдааҕы тыа хаһаайыстыбатын техникумугар «Лучший по профессии» бүтүн Россиятааҕы күрэс «Механизатор» анал аатыгар регионнааҕы түһүмэх түмүктэннэ. Мелиорация эйгэтигэр уонна тыа хаһаайыстыбатын уунан хааччыйыыга судаарыстыбаннай управлениеттан Александр Атласов кыайыылааҕынан таҕыста. Кини Тамбовскай уобаласка балаҕан ыйын 29 күнүттэн алтынньы 1 күнүгэр диэри федеральнай түһүмэххэ Саха сириттэн кыттыыны ылыаҕа. Иккис миэстэни Дамир Дмитриев ылла, оттон үһүс — Семен Татаринов. Кинилэр иккиэн Хаҥалас улууһуттан «Хачыкаат» ТХПК-тэн сылдьаллар. Дьүүллүүр сүбэ кыттааччылар үрдүк бэлэмнээхтэрин бэлиэтээтэ. Россия бэрэсдьиэнэ Владимир Путин көҕүлээбит «Кадры» национальнай бырайыагынан күрэс ыытылынна. Хаартыска: СӨ тыа хаһаайыстыбатын министиэристибэтэ