Михаил Мишустин Дьокуускайдааҕы өрөспүүбүлүкэ онкологическай киинин үлэтин үрдүктүк сыа... — 31 июля 2026 г. в 11:25:24.260
Михаил Мишустин Дьокуускайдааҕы өрөспүүбүлүкэ онкологическай киинин үлэтин үрдүктүк сыаналаата РФ Бырабыыталыстыбатын бэрэссэдээтэлэ Михаил Мишустин Саха сиригэр үлэ сырыытын кэмигэр Ил Дархан Айсен Николаевтыын Дьокуускайдааҕы өрөспүүбүлүкэ онкологическай киинигэр сырытта. Көрүүгэ РФ Доруобуйа харыстабылын миниистирэ Михаил Мурашко кытынна. Айсен Николаев этэринэн, аныгы онкологическай киин дойду бэрэсидьиэнэ Владимир Путин сорудаҕынан национальнай бырайыак чэрчитинэн тутуллубут. Кини аһыллыаҕыттан өрөспүүбүлүкэ олохтоохторо регион тас өттүгэр барбакка эрэ, искэн ыарыыларын диагностикатыгар уонна эмтээһинигэр аныгы ньымалар толору кээмэйдэригэр тиксэр кыахтаммыттар. Сардаҥа диагностикатын киинигэр Михаил Мишустиҥҥа оҥоһуу өй технологияларын тутталларын көрдөрдүлэр. Өрөспүүбүлүкэҕэ «Сайберия» диэн бырагыраамалаах комплекс киллэриллибит, бу көмпүүтэр уонна магнитнай-резонанс томографиятын анаалыстыырга быраастарга көмөлөһөр, диагностиканы үрдэтэр уонна чинчийиини оҥоруу бириэмэтин кылгатар. Ону тэҥэ бырабыыталыстыба бэрэссэдээтэлэ эпэрээссийэ блогун, эндоскопическай киини, патологоанатомическай лабораторияны уонна тэрилтэ лабораторнай куорпуһун үлэтин кытта билистэ. Киниэхэ Россия аныгы «өйдөөх» эпэрээссийэлэрин уонна үрдүк технологиялаах оборудованиеларын кыахтарын билиһиннэрдилэр. Хаартыска: Саргын Скрябин/СИА