👏Намнар Россиятааҕы дроннар күрэхтэригэр ситиһиилэннилэр
👏Намнар Россиятааҕы дроннар күрэхтэригэр ситиһиилэннилэр Саха Өрөспүүбүлүкэтин сүүмэрдэммит хамаандата 200 мм уонна 330 мм кылаастаах дроннарга Россия күрэхтэһиитигэр 4 мэтээли ылары ситистэ. Эдэр пилоттар хамаанданан уонна тус күрэхтэһиигэ призердарынан буоллулар. Бу туһунан улуус дьаһалтатын пресс-сулууспата иһитиннэрэр. Нам 1 №-дээх оскуолатын 7-с кылааһын үөрэнээччитэ Катя Заболоцкая Саха сиригэр чаҕылхай кыайыыны аҕалла! Катя 330 мм кылаастаах дрону көтүтүүгэ тус зачекка үрүҥ көмүс мэтээли ылары ситистэ. Саха сирин дроннар күрэхтэһиилэрин Федерацията иһитиннэрэринэн, бу Россия таһымнаах күрэхтэһиигэ өрөспүүбүлүкэ сүүмэрдэммит хамаандатын историятыгар бастакы үрүҥ көмүс мэтээлэ буолар. Маны сэргэ Катя Арктика оскуолатын бэрэстэбиитэлэ Уйгулана Антоеваны кытта эмиэ 330 мм кылаастаах дроннары көтүтүүгэ хамаанданан зачекка боруонса призерунан ааттанна.