"Далбар" түмсүү 10 сыла✨ — 15 мая 2026 г. в 14:09:06.173
"Далбар" түмсүү 10 сыла✨ Бүгүн ыам ыйын 15 күнүгэр Суола Мэлдьэхси элбэх хайысхалаах сынньалаҥ дьиэтигэр "Далбар" түмсүү уран тарбахтаах Далбар Хотуттара айымньылаах 10 сыллааҕы үлэлэрин бэлиэтээтилэр. Мэҥэ Хаҥалас улууһун сатабыллаах маастара , "Үйэлээх үгэһи тарҕатааччы" Матрена Петровна Степанова салайыытынан "Далбар" айар талааннаахтар түмсүүлэрэ кылынан-сиэлинэн утумнаахтык үлэлээбит үлэлэрин уус-уран көрдөрүүгэ туруордулар. Матрена Петровна салайыытынан улууспутугар Сахалартан бастакы Сэбиэскэй Союз Геройа Федор Кузьмич Попов 100 сылыгар анаммыт "Сүүс сөрүө олбох" акция биллэриллэн бары нэһилиэктэрбит көхтөөхтүк кыттан 100 олбох өрүллүбүтэ. "Далбардар" бүгүн киэһэ мааны сандалы тардан, айымньылаах үлэлэрин сырдатан, хайдах, туохтан саҕалаан үлэлээн барбыттарын сиһилии сырдаттылар, истиҥ иһирэх эҕэрдэ тыллар этилиннилэр, ырыа-үҥкүү дэлэй буолла. Төрүт үгэһи тарҕатар, Саха таптыыр Дьөһөгөй оҕотун кылыттан-сиэлиттэн мааны сөрүөлэри, оҥоһуктары оҥорон, өрөн таһаарар "Далбар" түмсүү Далбар Хотуттарыгар, салайааччы Матрена Петровнаҕа өссө төгүл эҕэрдэлээн туран айымньылаах , таһаарыылаах үлэни баҕарыаҕын, кэккэҕит кэҥээн истин, эдэрдэр кэлэн үөрэнэн истиннэр, айыҥ-тутуҥ, кэрэни дэлэтиҥ, төрүт үгэспитин бу курдук тарҕата, үөрэтэ сылдьыҥ, дьон махталыҥ ылыҥ диэн алгыспытын аныыбыт!👏👏👏👏👏👏😊🙌✨