🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹 — 6 марта 2026 г. в 15:10:17.163
🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸🔹 “ЯКУТИЯ МАСТЕРОВАЯ -2026” Үгэс буолбут XVI “Якутия мастеровая” Сахабыт Сиригэр Норуот маастардарын күнүгэр аналлаах быыстапка-дьаарбаҥка кулун тутар 3-6 күннэригэр Дьокуускай куорат А.Е. Кулаковскай – Өксөкүлээх Өлөксөй аатынан норуоттар доҕордоһууларын дьиэтигэр “Симэх” норуот уус-уран оҥоһуктарын национальнай киинин көҕүлээһининэн киэҥ далааһыннаахтык ыытылынна. Быйылгы “Якутия мастеровая” быыстапка-дьаарбаҥка Дойдубутугар норуоттар сомоҕоһууларын, Сахабыт Сиригэр культура сылларыгар ананна: уус-уран быыстапка дьаарбаҥкаҕа, VIII Сахабыт сирин айар талааннаахтарын форумугар, “Узоры Якутии” , “Кылаан Кылыс” блиц-күрэхтэргэ, норуот уус-уран оҥоһуктарын үлэтин сайыннарыыга, тарҕатыыга стратегическай сессияҕа, Сахабыт Сиригэр норуот маастарын күнүнэн үгэс буолбут сэлэлээн хаамыыга уо.д.а. тэрэээһиннэргэ Мэҥэ Хаҥалас улууһун “Мэҥэ Уус” айар талааннаахтарын түмсүүтүн сал: Ольга Плотникова, Гавриил Колесов аатынан Олоҥхо Дьиэтин үлэһиттэрэ көҕүлээн, тэрийэн кыттыыны ыллыбыт. “Якутия мастеровая” уус-уран быыстапка-дьаарбаҥкаҕа Мэҥэ Хаҥалас улууһун бастыҥ уран иистэнньэҥнэрэ, уустара, айар-тутар дьоҕурдаах дьоно Дьанхаадыттан СР норуотун маастара Александра Артемьева, Мэҥэ Хаҥалас улууһун сатабыллаах маастара Татьяна Неустроева, Хаптаҕайтан СР уус-уран оҥоһуктарын маастара Александра, Руслан Терентьевтар, СР уус-уран оҥоһуктарын маастара Мария Сивцева, Төҥүлүттэн уустар СР норуотун маастара Елисей Баишев, Мэҥэ Хаҥалас улууһун сатабыллаах маастара Петр Аргунов, Майаттан “Кэрэ иис” түмсүү, сал: Наталья Туманова, “Уран эйгэ” түмсүү, сал: Евдокия Захарова, Саргылана Шестакова, 2 Наахараттан Февралина Луковцева, Светлана Корнилова, Оксана Лонгинова, Светлана Платонова, Татьяна Ефремова, Розалия Турантаева, Мэҥэ Хаҥалас улууһун сатабыллаах маастара Анастасия Васильева, Мэҥэ нэһилиэгиттэн СР уус-уран оҥоһуктарын маастара Валентина Березкина, Хорообуттан СР уус-уран маастара Федор Скрябин, Бүтэйдээхтэн Мэҥэ Хаҥалас улууһун сатабыллаах маастара Хрисанф Иванов , Тараҕай СР уус-уран оҥоһуктарын маастара Марианна Маркова, Мэҥэ Хаҥалас улууһун сатабыллаах маастара Сергей Оконешников, Нөөрүктээйиттэн Наталья Оконешникова, Марина Оконешникова, 3 Мэлдьэхситтэн СР уус-уран оҥоһуктарын маастара Виктория Свинобоева, Суола Мэлдьэхситтэн СР норуотун маастара Василий Андросов уонна “Мэҥэ Сыахай” түмсүү, сал: СР уус-уран оҥоһуктарын маастара Лидия Николаева үлэлэрэ үс күн устата көрдөрүүгэ туран бар дьон сөҕүүтүн-махтайыытын ылыахтарын ыллылар. Сахабыт Сиригэр норуот маастарын күнүгэр үгэс буолбут X төгүлүн ыытыллыбыт төрүт таҥастаах-саптаах сэлэлии хаамыыга Аллараа Бэстээхтэн, Майаттан, Хаптаҕайтан, Төҥүлүттэн, 2 Наахараттан, Доллу, Тараҕай, Дьабыыл, Мэҥэ, Дьанхаады нэһилиэктэриттэн барыта 70-ча айар талааннаахтарбыт мааны сахалыы мандар таҥаспытын таҥнан кыттыыны ылан сүргэбит көтөҕүлүннэ. Дьокуускай куорат биир киин болуоссатыгар Былатыан Ойуунускай убайбыт мэҥэ бэлиэтин анныгар СР Дархан оһуохайдьыттара 1 Тыыллыматтан Виталий Никифоров, Гавриил Колесов аатынан Олохо дьиэтин алгысчыта Денис Оконешников, СӨ үтүөлээх оһуохайдьыта, Гавриил Колесов аатынан фольклорга специалиһа Аксиния Степанова оһуохайы оройуттан туттулар. Бу күн дьоро тэрээһинигэр Сахабыт Өрөспүүбүлүкэтин бырабыытылыстыбатын бэрэссэдээтэлин 1 солбуйааччыта Сергей Местников Майаттан 90 саастаах ытык кырдьаҕас, СӨ норуотун маастара, СӨ Ил Дарханын стипендиата, косторез, уруһуйдьут, уһуйааччы Николай Семенович Баишевка “Удьуор Уус” үрүҥ көмүс хаймыылаах, алмаас таастардаах, харчынан бириэмийэлээх түөскэ кэтиллэр бэлиэтин бар дьон хабыллар ытыс тыаһын дорҕоонугар үрдүк сыанаҕа туттарда. Тимир уустарыгар аналлаах “Кылаан кылыс” уус киһи сытыы быһаҕын, түргэн-тарҕан туттуутун тургутан көрөр күрэҕэр “Мэҥэ тимир уустара” түмсүүттэн эдэр уус уолаттар кыттыыны ылылар, тыҥааһыннаах киирсиилэр кэннэ Төҥүлүттэн Василий Макаров 3 үрдэл, Аллараа Бэстээхтэн Николай Костромин 1 үрдэл кыайыылаах тахсаннар үөрүү өрөгөйүн биллибит, бу