АПТААХ ХОЛБУЙА: СУОРУН ОМОЛЛООН ОСТУОРУЙАЛАРА
АПТААХ ХОЛБУЙА: СУОРУН ОМОЛЛООН ОСТУОРУЙАЛАРА Оскуола библиотекаларын декадатын чэрчитинэн, алын сүһүөх 2–4 кылаас үөрэнээччилэригэр анаан «Аптаах холбуйа: Суорун Омоллоон остуоруйалара» диэн тиэмэлээх литературнай чаас тэрилиннэ. Тэрээһин кэмигэр саха тылын уонна литературатын учуутала Акулина Неустроева улуу суруйааччы олоҕун уонна айар үлэтин туһунан оҕолорго сиһилии билиһиннэрдэ. Педагог-библиотекарь Туйара Максимова үөрэнээччилэргэ суруйааччы остуоруйаларын устун айаны тэрийдэ. Кини оҕолору кытары остуоруйалар сиэр-майгы өттүнэн туохха үөрэтэллэрин, үтүө уонна куһаҕан быһыы уратыларын дириҥник ырыттылар. Үөрэнээччилэр ааптар айымньыларын ис хоһоонун интэриэһиргээн иһиттилэр, норуот муудараһын уонна тыл кэрэтин кытары билсистилэр. Маннык тэрээһиннэр үүнэр көлүөнэҕэ төрөөбүт тылбыт күүһүн өйдөтөн, норуот суруйааччыта Суорун Омоллоон үйэлээх нэһилиэстибэтин үйэтитиигэ уонна оҕолор ааҕар эйгэлэрин кэҥэтиигэ улахан суолталаахтар. Бу уонна да атын тэрээһиннэр тустарынан видеолары оскуола библиотекатын Rutube ханаалыгар киирэн көрүөххүтүн сөп: https://rutube.ru/video/3bee411763a7cebfff9b4a67477a569c/