🎭Саха театра Күөрдэм норуодунай театрын кытта бииргэ үлэлэһиэҕэ — 9 июня 2026 г. в 12:25:17.114
🎭Саха театра Күөрдэм норуодунай театрын кытта бииргэ үлэлэһиэҕэ Хаҥалас улууһун 2-с Дьөппөн нэһилиэгэ Култуура эйгэтин көҕүлээһиннэригэр Президент пуондатын куонкуруһугар "Дархан Уус" диэн испэктээкэли туруорууга грант ылыы сайаапкатын тула сүбэлэстилэр. Бу бырайыак олоххо киириитигэр Күөрдэм норуодунай театра, Күөрдэм Култууратын киинэ уонна Саха театра биир сомоҕо буолан үлэлэһиэхтэрэ. Бырайыак салайааччыта Саргылана Федорова Саха театрын дириэктэрин Петр Макаровы кытта көрсөн, сайаапка докумуоннары бэлэмнээһин уонна бырайыак сүрүн боппуруостарын сиһилии кэпсэттилэр. Маны тэҥэ, испэктээкил уус-уран өттүн уонна олоххо киллэрии суолларын дьүүллэстилэр. Билигин грант сайаапкатын толорууга уонна ирдэнэр докумуоннары бэлэмнээһиҥҥэ күүстээх үлэ бара турар. Санатан эттэххэ, Култуура эйгэтин көҕүлээһиннэригэр Президент пуондатын гранын сайаапкаларын тутуу бэс ыйын 30 күнүгэр түмүктэнэр.