🏆🤼🏃💪🏻 САХА ТЕАТРЫН ТАЛААННААХ АРТЫЫҺА ЭДУАРД ЗАХАРОВ «НЬУРГУН БООТУР УОННА КЫЫС ДЭ... — 4 июня 2026 г. в 02:10:14.303
🏆🤼🏃💪🏻 САХА ТЕАТРЫН ТАЛААННААХ АРТЫЫҺА ЭДУАРД ЗАХАРОВ «НЬУРГУН БООТУР УОННА КЫЫС ДЭБИЛИЙЭ» КҮРЭХХЭ ҮРДҮК СИТИҺИИЛЭННЭ Саха Өрөспүүбүлүкэтигэр Култуура сылыгар анаммыт ыһыахха спорт тэрээһинэ ситиһиилээхтик түмүктэннэ. Бу култуура эйгэтин үлэһиттэрин түмэр, кинилэр күүстэрин-уохтарын тургутар күрэхтэһиигэ Саха театрыттан талааннаах артыыстар Эдуард Захаров уонна Айталина Винокурова-Цыпандина кыттыыны ыллылар. Күрэхтэһиигэ ох ытыы, мас тардыһыы, хапсаҕай, сүүрүү уонна ыстаныы көрүҥнэрэ ыытылыннылар. Кыттааччылар бары күүстэрин ууран, култуура үлэһиттэрэ спорка дьоҕурдаахтарын көрдөрдүлэр. Тыҥааһыннаах киирсиилэр түмүктэринэн Эдуард Захаров эпос уонна искусство кииниттэн Елена Анисимовалыын биир хамаанданан кыттан, бары түмүккэ бочуоттаах иккис миэстэни ылары ситистэ💪🏻👍🏻👏🏻 Бу үрдүк ситиһии Эдуард Захаров айар талаанын таһынан, кини спорка улахан дьоҕурдааҕын, эт-хаан өттүнэн бэртээхэй бэлэмнээҕин өссө төгүл дакаастаата👏🏻👏🏻👏🏻 Саха театрын бары дьоно Эдуард Захаровы уонна кини пааралааҕын үрдүк ситиһиилэринэн ис сүрэхтэн эҕэрдэлииллэр! Кэлэр кэскиллээх үлэҕитигэр, айар уонна спортивнай олоххутугар саҥа үрдэллэри, ситиһиилэри баҕарабыт!👏🏻🏆