Анемподист Софронов – Алампа төрөөбүтэ 140 сылыгар: Саха театрын артыыстара анал литера...
Анемподист Софронов – Алампа төрөөбүтэ 140 сылыгар: Саха театрын артыыстара анал литературнай киэһэҕэ кытыннылар Иван Егоров-Горнай аатынан Өрөспүүбүлүкэтээҕи көрбөт уонна мөлтөхтүк көрөр дьон анал бибилэтиэкэлэригэр Саха уус-уран литературатын төрүттээччилэртэн биирдэстэрэ - Анемподист Иванович Софронов – Алампа төрөөбүтэ 140 сылыгар аналлаах бэлиэ литературнай киэһэ буолан ааста. Тустаах тэрээһиҥҥэ Саха Өрөспүүбүлүкэтин үтүөлээх артыыстара Кирилл Семнов, Елизавета Потапова кытыннылар. Кирилл Семенов «Аҕабар сурук»айымньыны аахта, онтон Елизавета Потапова суруйааччы олоҕун саамай ыарахан, репрессия тыҥааһыннаах сылларыгар айыллыбыт «Ыллыым ээ, ыллыым» хоһоону мустубут дьоҥҥо иһитиннэрдэ. Бу курдук Саха театрын коллектива өрүү даҕаны улуу классиктарбыт ааттарын үрдүктүк тутан, өрөспүүбүлүкэ культурнай олоҕор көхтөөхтүк кыттыыны ылар.