Россиядә 9 сыйныф укучылары өчен тарихтан мәҗбүри телдән имтихан кертергә җыеналар. — 31 мая 2026 г. в 19:30:02.450
Россиядә 9 сыйныф укучылары өчен тарихтан мәҗбүри телдән имтихан кертергә җыеналар. Рособрнадзор 9 сыйныф укучылары өчен тарих буенча мәҗбүри телдән имтиханны беренче тапкыр 2028 ел башында үткәрергә планлаштыра. Бу хакта ведомство җитәкчесе Анзор Музаев хәбәр иткән. Музаев сүзләренчә, сынауны февраль яки март айларында уздыру мөмкинлеге карала. «2028 елда февраль яки мартта тарих буенча телдән имтихан 9 нчы сыйныфны тәмамлаучылар өчен мәҗбүри булырга мөмкин», — дигән Музаев. Рособрнадзор башлыгы элегрәк 11 сыйныф укучылары өчен мондый форматтагы мәҗбүри имтихан кертү планлаштырылмавын да әйткән иде. Мәгариф министрлыгында аңлатуларынча, әлеге сынау ОГЭга кертү форматы булачак. Биремнәр мәктәп дәреслекләрендәге материалларга нигезләнеп төзеләчәк, хәзер алар өстендә эш бара. Ведомствода белдерүләренчә, төп максат — укучыларның тарихи процессларны аңлау дәрәҗәсен билгеләү. Шулай ук имтихан яшүсмерләрдә фикерне дәлилләп әйтә белү, тарихи вакыйгаларга һәм шәхесләргә карата шәхси мөнәсәбәт формалаштыру күнекмәләрен үстерергә тиеш.