Россиядә пенсия рәсмиләштерү тәртибен гадиләштерүгә юнәлдерелгән яңа кагыйдәләр үз көче... — 9 июля 2026 г. в 18:05:01.435
Россиядә пенсия рәсмиләштерү тәртибен гадиләштерүгә юнәлдерелгән яңа кагыйдәләр үз көченә керде. Төп яңалык – пенсия рәсмиләштерү процессын мөмкин кадәр автоматлаштыру. Хәзер Россия Социаль фонды гражданның хезмәт стажы һәм хезмәт хакы турындагы мәгълүматны бердәм дәүләт цифрлы платформасы аша мөстәкыйль рәвештә алачак. Өстәмә документлар дәүләт мәгълүмат базаларында кирәкле мәгълүмат булмаган очракта гына соралачак. Мәсәлән, 2002 елга кадәрге хезмәт стажын расларга кирәк булса.Әгәр барлык мәгълүмат дәүләт системаларында булса, пенсия рәсмиләштерү өчен паспорт һәм СНИЛС кына җитәчәк. Яңа тәртип гражданнарның пенсия алу хокукын гамәлгә ашыруны җиңеләйтергә һәм документлар җыю белән бәйле мәшәкатьләрне киметергә тиеш. Яңа кагыйдәләр 7 июльдән үз көченә керде.