Россия пенсионерлары нинди салым ташламаларына хокуклы? Тулы исемлек — 9 июля 2026 г. в 10:35:35.636
Россия пенсионерлары нинди салым ташламаларына хокуклы? Тулы исемлек Пенсиядәгеләр һәм пенсия алды яшендәге гражданнар өчен берничә мөһим салым ташламасы каралган. Әмма күпләр аларның барысын да белеп тә бетерми. Россия Финанс министрлыгы пенсионерларга нинди ташламалардан файдаланырга мөмкин булуын искә төшерде. Бу хакта «Комсомольская Правда» хәбәр итә. 🔹 Милек салымы. Пенсионерлар йорт, фатир, гараж яки машина кую урыны өчен милек салымын түләмәскә мөмкин. Әмма ташлама һәр төрдәге бер генә объектка кагыла. Әйтик, ике фатир булса, аларның берсе өчен генә салым түләнми. 🔹 Җир салымы. Бер җир кишәрлегенең 6 сутыена кадәр салым исәпләнми. Әгәр кишәрлек зуррак булса, салым бары тик артык мәйдан өчен генә алына. 🔹 Пенсиягә НДФЛ юк. Пенсияләргә һәм аларга билгеләнгән социаль өстәмәләргә физик затлар кеременә салым (НДФЛ) салынмый. 🔹 Торак сатып алганда салым кайтару мөмкинлеге. Пенсионерлар милек салымы чигерүенең кулланылмый калган өлешен алдагы өч елга күчерә ала. Бу элек түләнгән НДФЛның бер өлешен кире кайтару мөмкинлеге бирә. Моннан тыш, күп кенә төбәкләрдә пенсионерлар өчен транспорт салымы һәм башка җирле салымнар буенча да өстәмә ташламалар гамәлдә. Алар турында Федераль салым хезмәтенең рәсми сервисы аша белергә мөмкин. Ә сез бу ташламаларның кайсыларыннан файдаланасыз?