Казанда фура белән бәрелештә җиңел машина пассажиры һәлак булган — 28 сентября 2026 г. в 18:09:19.673
Казанда фура белән бәрелештә җиңел машина пассажиры һәлак булган Казанда бүген кич Восстание урамында үлем белән тәмамланган юл-транспорт һәлакәте булган. Бу хакта шәһәр Дәүләт автоинспекциясендә хәбәр итә. Авария Восстание урамындагы 65 нче йорт янында теркәлгән. Алдан билгеле булганча, Восход урамы ягыннан Исаев урамы юнәлешендә хәрәкәт иткән Chevrolet автомобиле йөртүчесе автобус полосасында торган йөк машинасы — фура белән бәрелешкән. Юл-транспорт һәлакәте нәтиҗәсендә Chevrolet автомобиленең пассажиры һәлак булган. Авариянең сәбәпләре һәм башка нечкәлекләре ачыклана.
2 715 просмотров