Урып-җыю чорында яуган көчле яңгырлар аркасында республика аграрийлары 700 мең тоннага ...
Урып-җыю чорында яуган көчле яңгырлар аркасында республика аграрийлары 700 мең тоннага якын ашлыкны җыеп җиткермәгән. Татарстан авыл хуҗалыгы һәм азык-төлек министры Марат Җәббаров сүзләренчә, артык дымлылыктан ашлыкның сыйфаты начарайган. Әмма икмәксез калабыз дип борчылырга кирәкми. Татарстанда ашлыкка еллык ихтыяҗ 3 миллион тонна тәшкил итә. Игенчеләребез исә быел, катлаулы һава торышына кармастан, 3 миллион да 837 мең тонна ашлык җыеп алган. Уртача уңыш – гектарына 34,5 центнер. "Шул ук вакытта артык дымлылыктан ашлыкның сыйфаты начарайды. Дым күп булгач, ашлыкның классы кими. Аграрийлар, нигездә, 4, 5 нче класс бодай алды", – диде министр.
2 674 просмотров