Ону таһынан чуолаан сырдатыам этэ: — 16 июня 2026 г. в 05:43:57.610
Ону таһынан чуолаан сырдатыам этэ: Анал байыаннай дьайыы саҕаланыаҕыттан онно сылдьар биир дойдулаахтарбытыгар халыҥ таҥас тигиитигэр кыттыбыппыт, хахха сетка оҥоруутун тэрийбиппит, кыттыыны ылбыппыт уонна сыллата эт бэрэскитэ буһаран, собо балык ыһаарылаан, эт буһаран, бэйэбит оҥорбут барыанньабытын, ас-үөл уган көмө ыыттыбыт; 2024 сыл Нам улууһугар уу халааныттан эмсэҕэлээбиттэргэ Чурапчы улууһун дьонуттан, урбаанньыттарыттан көмө хомуйуутун тэрийэн ыыппыппыт, аһынан-таҥаһынан, харчынан көмөлөспүппүт; Чурапчыына түмсүү чилиэннэрэ араас конкуртарга ситиһиилээхтик кытталлар: Аина Анемподистова кыыһынаан республиканскай “Матери-дочери” конкурска, Ольга Дьячковская “Дьүөгэ-иэйии кэрэтин иискэ иҥэрэбин” улуустааҕы конкурска. Ону таһынан Оля «Новый путь платья Халадаай» кинигэ таһааран сүрэхтээбитэ, Матрена Пермякова (Амаана) хоһоон, ырыа айааччы, бэйэтин хоһооннорунан, ырыаларынан «Кэрэ тиһиллэр дорҕооно” айар киэһэтэ буолбута; 2024 сыл сэтинньи 1 күнүгэр “Чурапчыына 2024” улуустааҕы ийэ кыыһынаан конкурс тэрийэн, элбэх дьон биһирэбилин ылбыппыт; 2025 сыл тохсунньу 31 күнүгэр СВО-ҕа сылдьар биир дойдулаахтарбытыгар военнай таҥас тигиитигэр ийэ оҕотунаан иис күрэҕин Мугудай нэһилиэгин дьахтар түмсүүтун кытта тэрийбиппит, күрэх түмүгүнэн кыайыылаахха иистэнэр массыына бириис туруорбуппут (20 тр) уонна спонсордартан хомуйан кыттааччыларга уопсайа 40 тр бириис оҥоһуллубута, 10 комплект таҥас тигиллибитэ (V открытый конкурс по пошиву спец.военизированной одежды для участников СВО “Талисман Победы”, посвященного году Защитника Родины в РС (Я), “Памяти доблести” в Чурапчинском улусе, “Год трудовой славы” в Чурапчинском наслеге, “Патриотизма” в Мугудайском наслеге). 2025 сыл ым ыйын 23 күнүгэр биһиги түмсүү нэһилиэги көҕөрдүү акцияҕа кыттан дьиэ кэргэнинэн хатын мас тыаттан киллэрэн, скверга олордубуппут уонна нэһилиэнньэҕэ ыҥырыы оҥорбуппут. 2025 сыл бала5ан ыйын 24 күнүгэр Чурапчы улууһун дьахталларын спартакиадатын тэрийиигэ уонна Чурапчы нэһилиэгин хамаандатын туруорууга үлэлээбиппит. Чурапчы нэһилигэ бастакы миэстэ буоларын ситиспиппит. Бу күн дьахтар доуобуйатын тупсарарга “Ярмарка женского здоровья” мастер-класстары тэрийэн ыыппыппыт. 2025 сыл алтынньы 17 күнүгэр Ийэ уонна кыыс оҕо күннэрин чэрчитинэн, баттах оҥостуутугар, көрүнүүгэ куораттан топ-мастер биир дойдулаахпытын Саргылана Васильеваны ыҥыран улахан мастер класс оҥорбуппут, манна биһиги түмсүү дизайнер, иистэнньэҥ кыргыттара Аина Анемподистова, Ольга Дьячковская тикпит таҥастарын дьон-сэргэ көрүүтүгэр таһаарбыттара. 2025 сыл ахсынньы 17 күнүгэр Аан маҥнайгытын ыытыллаар, ураты Чурапчы алгыстаах сириттэн “Алаас амтана” гастроужиҥҥа кыттыыны ылбыппыт, Аина Анемподистова тикпит таҥастарын дьон-сэргэ көрүүтүгэр таһаарбыта. Ол курдук, 5 сыл устата араас хабааннаах үлэлэр, көмөлөр оҥоһуллан кэллилэр. Түгэнинэн туһанан, бу 5 сыл устата тэҥҥэ үлэлэһэн кэлбит коллегаларбар, “Чурапчыына” түмсүүтүн бары кыргытарыгар бэйэм махталбын тириэрдиэхпин баҕарабын. Инникитин даҕаны бу курдук тапталлаах түөлбэбит, улууспут чэчирии сайдарыгар биир санаанан салайтаран, кэнчээри ыччаппыт үтүөнү, кэрэни кэрэхсиирин туһугар үлэлии-хамсыы сылдьыҥ! Ылсыбыккыт сыыйа ыпсан, саҕалаабыккыт сатанан, уурбуккут-туппуккут барыта биллэр-көстөр үтүө түмүктэнэн истин! Баҕарабыт чэгиэн туругу, үлэҕитигэр үгүс ситиһиилэри, тус олоххутугар, дьиэ кэргэҥҥитигэр дьолу-соргуну! Дьиэ кэргэн чөл олохтоох, бигэ туруктаах буолара, ситиһиилээх, сайдыылаах буоларбыт хас биирдии киһиттэн тутулуктааҕын умнумуоҕун!” Отчуоту бэлэмнээтэ Чурапчы нэһилиэгин “Чурапчыына” дьахтар түмсүүтүн председателэ Дария Ефремова. «Чурапчы нэһилиэгэ» ТСТ дьаһалтата 16.06.2026 сыл.