Бэс ыйын 10 күнүгэр Чурапчы нэһилиэгин тыа сирин түөлбэтин “Чурапчыына” общественнай дь... — 16 июня 2026 г. в 05:42:37.557
Бэс ыйын 10 күнүгэр Чурапчы нэһилиэгин тыа сирин түөлбэтин “Чурапчыына” общественнай дьахтар түмсүүтүн 5 сыллаах үлэтин отчуота буолла. Чурапчы нэһилиэгин “Чурапчыына” дьахтар түмсүүтэ 2021 сыл ыам ыйыттан саҥа 7 киһилээх састаап талыллан, эрдэ үлэлээбит дьахтар түмсүүтүн киэҥ хайысхалаах үлэлэринэн салайтаран, салҕыы тэнитэн, үлэлэрин саҕалаабыттара. Председателинэн Дария Ефремова, барыта 10 буолан үлэлээн кэллилэр. Үлэ сөптөөхтүк сыаналанан, салгыы үлэлииргэ сыал –сорук туруорунан состав бэйэтинэн иккис срокка хаалла. Мантан аллараа “Чурапчыына” общественнай дьахтар түмсүүтүн 5 сыллаах үлэтин отчуотун сиһилии таһаарабыт: “Сүрүн сыалбыт: Дьиэ кэргэн чөл олохтоох, бигэ туруктаах буоларын туһугар улэлэһии, нэһилиэкпит, улууспут сайдарыгар бэйэбит кылааппытын киллэрии. Ол курдук улууска, нэһилиэккэ ыытыллар дьаһалларга кыттыһан, үтүө санаанан салайтаран кыаммат, ыарахан олохтоох-дьаһахтаах дьиэ кэргэттэргэ, элбэх оҕолоох ыалларга, соҕотох ийэлэргэ, аҕаларга, кырдьаҕас дьоҥҥо, ыарахан ыарыыга ылларбыт биир дойдулаахтарбытыгар, анал байыаннай дьайыыга сылдьар эр дьоммутугар көмө оҥорон, араас ыытыллар ырааһырдыы, көҕөрдүү субуотунньуктарыгар, баһаардарга, мунньахтарга, көрсүһүүлэргэ, тэрээһиннэргэ 5 сылы быһа кыттан кэллибит. Сылын ахсын традиция быһыытынан онорон кэлбит үлэлэрбит: - Бэс ыйын 1 күнүгэр о5о көмүскэлин күнүнэн элбэх оҕолоох ыалларга уонна Анал байыаннай дьайыы кыттыылахтарын дьиэ кэргэттэригэр, оҕолоругар продуктанан көмө оҥорон кэллибит; - Чурапчы нэһилиэгэр ырааһырдыыга, палисадниктары кырааскалааһыҥҥа, ыһыах сирин киэргэтиигэ, ыһыахха кэлбит ыалдьыттары көрсөн, арчылаан, кучу чээйинэн, саламаатынан, алаадьынан күндүлээһиҥҥэ кыттыыны ыллыбыт; - “Собери ребенка в школу” акцияҕа сылын аайы кыттабыт; - Кырдьа5астар нэдиэлэлэрин декадатынан уонна учууталлар куннэринэн ытыктанар кырдьа5ас учууталларга бэлэх ууммуппут, ыытыллар тэрээһиннэргэ кыттыбыппыт; - Араас ыарахан ыарыыга ылларбыт биир дойдулаахтарбытыгар Кореяҕа эмтэнэ баралларыгар аһымал акцияларга барытыгар кыттан, харчынан көмө оҥорбуппут. - Ахсынньы ыйга сылын аайы “үтүө санаа харыйата” акция5а кыттыһан, кыаммат, элбэх оҕолоох ыалларга уонна Анал байыаннай дьайыы кыттыылахтарын дьиэ кэргэттэрин оҕолоругар сана дьыллаа5ы подарок онорон кэллибит; - Куоракка ыытыллар Чурапчы нэһилиэгин уус-уран самодеятельнаһын “Айхаллан Чурапчы” бэстибээлигэр кэлбит ыалдьыттары алаадьынан күндүлээн көрсүүгэ кыттан кэллибит;