Саха Өрөспүүбүлүкэтин Национальнай Бэчээтин күнүнэн эҕэрдэлиибит! — 1 июля 2026 г. в 03:00:57.834
Саха Өрөспүүбүлүкэтин Национальнай Бэчээтин күнүнэн эҕэрдэлиибит! Ытыктабыллаах бэчээт уонна маассабай информация тэрилтэлэрин үлэһиттэрэ! Күндү бэчээт бэтэрээннэрэ! Бүгүн, от ыйын 1 күнэ – Саха сиригэр национальнай бэчээт күнүнэн эһигини итиитик-истиҥник эҕэрдэлиибит! Ону тэҥэ быйыл айар тыл аҕата, Алексей Елисеевич Кулаковскай-Өксөкүлээх Өлөксөй «Байанай алгыһа» айымньытыттан саҕаламмыт саха суругунан уус-уран литэрэтиирэтэ төрүттэммитэ 125 сыла бэлиэтэнэр. Национальнай бэчээт — Сахабыт сирин төрүт тылын, култууратын, үгэстэрин, историятын үйэтитэр уонна кэлэр көлүөнэҕэ тиэрдэр улуу күүс. Хас биирдиигит тылынан-өһүнэн, суругунан-бичигинэн кырдьыгы тутуһааччы, олоҕу-дьаһаҕы кэпсиир, кэскили түстүүр. Эһиги сыралаах үлэҕит суоҕа буоллар, Сахабыт норуотун тыына быстыбыт буолуо этэ. Билиҥҥи уустук балаһыанньаҕа дьоҕургутун, үрдүк профессионализмы, ис хоһоонноох толкуйу уонна тус санааны күүскэ көрдөрөҕүт. Онон эһиги үлэҕит хайдахтаах үрдүк суолталааҕын өйдүүбүт уонна билинэбит. Төрөөбүт тылбыт, култуурабыт чөлүнэн хааларыгар эһиги оруолгут сүҥкэн. Бу бэлиэ күҥҥэ эһиэхэ барыгытыгар кытаанах доруобуйаны, уһун олоҕу, саҥа ситиһиилэри, айымньылаах үлэҕит үүнүүтүн, дьолу-соргуну, ыраас ыра санааны баҕарабыт! Үктээбит суолгут үйэлээх, үлэлээбит үлэҕит үтүөлээх буоллун!