Убаастабыллаах Сунтаар улууһун олохтоохторо, ытыктабыллаах биир дойдулаахтарбыт! — 6 августа 2026 г. в 07:40:20.026
Убаастабыллаах Сунтаар улууһун олохтоохторо, ытыктабыллаах биир дойдулаахтарбыт! Үөһээ Дьааҥы ууга барбытын туһунан бары истэн-билэн олордоххут. Өтөрүнэн кэлбэтэх улахан уу Дьааҥы сирин-уотун, дьонун-сэргэтин аймаата, куттарын көтүттэ. Дьааҥы улууһугар бу курдук улахан содуллаах, урусхаллаах уу кэлбитин, бэл, ытык кырдьаҕастар өйдөөбөттөр. От ыйын 9 күнүгэр Дьокуускайдааҕы УГМС “Дулҕалаах, Сартаҥ, Адыаччы үрэхтэрин уута эмискэ улаатта” диэн иһитиннэрбитэ. Баара-суоҕа 5 күн иһигэр Дьааҥы түөрт улахан нэһилиэгин (Суордааҕы, Дулҕалааҕы, Адыаччыны, Боронугу), кырдьаҕас Верхоянскай куораты олоччу, Боруулаах нэһилиэгин, Токума учаастагын уу тоҕо солоон ылла. Уу урусхалын киһи тылынан кыайан эппэт. Дьон дьиэтэ-уота, мала-сала, хаһаайыстыбата, ото-маһа, оттуур ходуһата бүтүннүү ууга барда. Теплосетьтэр, тэрилтэлэр, оскуолалар, оҕо саадтара улаханнык эмсэҕэлээтилэр. Бу ыар түгэҥҥэ республика бүттүүн сомоҕолоһон, үтүө санаа күүһүн көрдөрөн, Үөһээ Дьааҥы улууһун олохтоохторугар туох кыалларынан көмөлөһө олорор. Сунтаар улууһа быйылгы күүстээх ардахтартан эмиэ улаханнык эмсэҕэлээбит буолан ууга барар хайдаҕын илэ билэбит. Онон бу ыарахан кэмҥэ бар дьоммутун, тэрилтэлэри туора турбакка, төһө кыаларынан гуманитарнай көмөҕө кыттыһан, ууга барбыт Үөһээ Дьааҥы улууһугар күүс-көмө, өйөбүл буолуоҕуҥ диэн ыҥырабыт. Үбүнэн-харчынан көмөлөһөр реквизиттар: Фонд развития Сунтарского улуса 678290, Республика Саха (Якутия), Сунтарский улус, с.Сунтар, ул. Ленина, д.26 Тел.:84113522487, fondsuntar@yandex.ru ОГРН 118144700183 ИНН 1424009538 КПП 142401001 р/с 40703810000030000013 к/с 30101810300000000770 АКБ «Алмазэргиэнбанк» АО г.Якутск БИК 049805770 Көмөнү бу ссылканнан киирэн эмиэ ыытыаххытын сөп: https://qr.nspk.ru/BS1A007GD0F2V08N9MB8QAK2HTA2U0L7