Суукка иһигэр 60 тыһыынчаттан тахса га иэннээх сэттэ ойуур баһаарын умуруордулар
Суукка иһигэр 60 тыһыынчаттан тахса га иэннээх сэттэ ойуур баһаарын умуруордулар Саха сиригэр ааспыт сууккаҕа уопсайа 60 470 га иэннээх 7 ойуур баһаара умуруорулунна, ол иһигэр Орто Халыма улууһун сиригэр-уотугар 58 855 гектардаах улахан ойуур баһаара. Бу туһунан брифиҥҥэ СӨ Экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы, өрөспүүбүлүкэ кылаабынай лесничэйэ Андрей Коноплев иһитиннэрдэ. Суукка саҕаланыыта уопсай 440 340 га иэннээх 77 ойуур баһаара турбута бэлиэтэнэр. Билигин 56 667 гектардаах 10 улахан ойуур баһаарын умуруорууга үлэлэр салҕаналлар. Ньурба, Мииринэй, Кэбээйи, Өлөөн, Сунтаар, Орто Халыма уонна Уус Маайа улуустарыгар уоту кытта охсуһаллар. Ойуур баһаардарын умуруорууга 443 киһи уонна 38 тиэхиньикэ тардылынна. «Ээйик нэһилиэнньэлээх пууҥҥа чугаһаабыт баһаарга тохтоон ыллахха, сэлиэнньэҕэ быһыы-майгы холку, нэһилиэнньэлээх пууҥҥа куттал суох. Бүгүн оҕо сынньанар туһаныллыбат лааҕырын оройуонугар өртөөһүн үлэтэ былааннанар», — диэн Коноплев бэлиэтээтэ.