ситэригэр оҕуруот эрэ тэринэ иликтэр эбит, ол да сотору баар буолуо. Алаһа дьиэ хаһаайк...
ситэригэр оҕуруот эрэ тэринэ иликтэр эбит, ол да сотору баар буолуо. Алаһа дьиэ хаһаайката Мария оҕо эрдэҕиттэн ыра санаа ымыыта гыммыт санаатын толорон 2 этээстээх дьиэ ылыммыттар . Хаһаайка күн аайы(!) бурдук ас оҥорор эбит, бүгүн эмиэ дьиэ иһэ билиинчик минньигэс сытынан көрүстэ. Тиэстэ ураты тыыннаах буолар, мээнэ киһиэхэ үллэ- балла астамматын хаһаайкалар билэр буолуохтааххыт. Хаһаайка хайдаҕын улахан туоһута бу буолар. Хаһаайка асчытын ааһан иистэнньэҥ, дизайнер, фотограф, ырыаһыт эбит . Дьиэ ис бараана барыта хаһаайка уус илиитин сылааһын иҥэриммит ураты тыыннаах. Кыра кыысчаан, муннуларын бүөтэ, миэхэ сыстан, дьонугар да барбакка көтөхтөрөн, кэлэр кэрэ кэмнэри түстээн олус үөртэ. Оҕолор ыалдьыт сыҥааҕын анныгар олорботторо, дьонноругар, туора киһи баарыгар, иилистэ сылдьыбаттара бу ыал оҕолоро хайдах иитиилээхтэрин туоһута. Ийэлээх аҕа сылын аайы бары оҕолоругар солбуллубат Дед Моруос, Хаарчаана да буолаллара элбэҕи этэр. -Айсен, ханна бааргын? -Үлэбэр -Ханна бардыҥ? -Үлэбэр -Хантан иһэҕин? -Үлэбиттэн Куруук маннык эппиэттээх, үлэни өрө туппут “Партизан” НАТК директора, СӨ култууратын туйгуна,олоҥхону толорооччу, ырыаһыт, тойуксут, Сергей Зверев - Кыыл Уолун айымньытын тарҕатааччы, Сунтаар нэһилиэгин дьокутаата - Айсен Михайлович Федоров тапталлаах кэргэн, эрэллээх эркин – Аҕа, талба талааннаах, сатабыллаах салайааччы буолаҥҥын төрөөбүт Сунтааргын, Сахаҥ сирин суон сурахтыы, албан ааттыы тур! *Зинаида Федотова - Дьол Кыыма*