култуура министиэристибэтин гранын кыайаннар LED экраны ыланнар билигин ыытыллар концер...
култуура министиэристибэтин гранын кыайаннар LED экраны ыланнар билигин ыытыллар концертар, спектакллар үрдүк таһымҥа ааһаллар, сценаны киэргэтии улаханнык чэпчээтэ . Айсен Федоров солбуллубат депутат. Дьэ, бу депутат! Кистэл буолбатах, сорохтор талыллар эрэ кэмнэригэр бары үлэҕэ кыттан, биллэн – көстөн, пиарданан баран кэлэр кэккэ сылларга сүтэн хаалааччылар. Ордук 2020 сылтан – хамсык ыарыы саҕаланыаҕыттан Айсен дьон – норуот туһугар туруммутун бэлиэтии көрбүтүм. Кулууп үлэһитин быһыытынан дьиэҕэ хаайтаран олорор кырдьаҕастарга түннүк нөҥүө ырыаттан, отторун – мастарын бэлэмнээһинигэр, хаардарын күрдьүүтүгэр, муус ылыытыгар, лааппыттан, аптекаттан аһылык, эмп атыылаһыытыгар тиийэ барытыгар сылдьааччы. Сунтаарга 2015 сылга кэлиэҕиттэн нэһилиэк олоҕор олус көхтөөхтүк кыттар, бары ыытыллар субботниктар, тэрээһиннэр Айсена суох ааспат. Оннооҕор, билигин сөҕөбүн ээ, анал үөрэҕэ суох кулууп үлэһитэ, эмчиттэр тиийбэттэрэ буолуо, анал көстүүм кэтэн баран уопсай дьиэлэр көрүдүөрдэрин, кирилиэстэрин дезинфекциялыы сылдьар буолааччы. Бу манна төһөлөөх киһи махталын – тапталын ылбыта буолуой?! Биһиги , сахалар, тылбытынан сатаан эппэтэхпит да иһин, испитигэр, санаабытыгар сатаан махтанар норуоппут. Бу дьон үтүө санаата Федоровтар дьиэ кэргэттэрин арыаллыы сылдьыа. Бу үлэтин түмүгүнэн“Сунтаар улууһун сайдыытыгар үтүөтүн иһин” бэлиэнэн хайҕаныан хайҕаммыта. 2025 сыллаахха буолбут быыбар түмүгүнэн саамай элбэх куолаһы ылан отой биир санаанан талыллыбыт депутат! Бартыһаан балаҕанын иһинэн үлэлиир “Харысхал” түмсүүгэ станок оҥорууттан, балаҕанын босхо уларсыыттан, посылка сүгүүгэ – көтөҕүүгэ тиийэ солбуллубат волонтер. Саас аайы Сунтаар ууга баран, дьиэ – уот ууга былдьаныыта тахсар. Кэлиҥҥи сылларга олох сөпкө дьаһанан уу сүүрэр ханаабаларын эрдэттэн аһыы, ыраастааһын үлэлэрэ барар буолла. Бу бириэмэҕэ депутаппыт Айсен Федоровка эттэххэ, тус бэйэтэ кыттыылаах, суһал дьаһал ылылларыгар бүк эрэнэҕин. Бу курдук кулууп - түөлбэ – депутат үлэлэрин олус таба дьүөрэлээн ыытар. Былырыыҥҥыттан сквергэ, болуоссакка “Аһаҕас микрофон” ыытыллар. Ону уоппускам диэбэккэ ыытыһар. Сунтаардар дьоллоох дьоммут, өрөспүүбүлүкэ таһымнаах ырыаһыттары (Айсены, Юляны, Славаны) тутан олорон босхо истэбит, ыллаһабыт. Сороҕор эмиэ гитара, вокал үөрэҕэр кэлэн олорор курдук буолабыт. Араас таһымнаах ырыаһыттар, музыканнар бастаан холонон көрөллөрүгэр, публикаттан толлубат, аһаҕас буолалларыгар бэрт площадка. Ол эрэн дьон иннинэр тахсар киһи репертуарын, таҥаһын – сабын, бэйэтин көрүнүөхтээх, өссө сунтаардар иннилэригэр тахсар буоллаҕына. Сылын аайы “ Түөлбэ күнэ” ыытыллара үгэскэ кубулуйда. Нэһилиэк дьаһалтата, депутаттар , урбаанньыттар көҕүлээһиннэринэн 1 ынах сүөһү, 1 сылгы тиэрэ көтүллэн улуу чалбараҥ буолар, дьон – норуот күөххэ үктэммит үөрүүтэ тэриллэр. Үлэ чааһын өссө кэҥэтэн кэпсиир буоллахха, урукку сылларга ыкса күһүн, балаҕан эрэ ыйыгар, үлэһиттэр үлэҕэ таҕыстахтарына, инньэ сэтинньи ыйга тиийэ тардыллан уһун киэҥ өрөмүөн буолааччы. Быйыл сайын кулууп дьиэтэ 6 евро түннүктэнэн, кырааскаланан сандааран, анал үлэһиттэр бары ( 14 киһи) сымнаҕас кириэһилэлэнэн балаҕан ыйыттан хайы сах ааннарын тэлэччи аһан үлэлээн бардылар. Эдэр дириэктэр кинини үлэҕэ ылбыт, такайбыт салайааччытын Юрий О туһунан улахан махталынан ахтар. Ааһа баран Георгий Яковлев уулусса 6№ дьиэтигэр Федоровтар ыал быһыытынан хайдах бэринэн олороллорун көрө тиийдим. Хаһаайын хайдаҕын тэрилтэтин тутан олороруттан син сэрэйэн билэр этим. Киирэн иһиэхтэн чиҥ – чаҥ оҥоһуулаах олбуору тэлэйэн киирээккин кытта ып – ыраастык охсуллубут киэҥ куоҥ тэлгэһэ , элбэх оҕолоох дьон сиэринэн батуттан саҕалаан нус бараан эйгэҕэ көтөн түһэҕин. Тэлгэһэ иччитэ аар хатыҥ оргууй суугунаан, төбөтүн дьоһуннук хоҥкутан, бу ыал үүт тураан эйгэтин арчылыы турара тута билиннэ. Эдэр ыаллар, бу ытык хатыҥҥытын куруук мааллыы, махтана сылдьыҥ. Тиэргэни эргиччи малина бөҕө үүнэн турар. Быйылгы малина үүммүт сылыгар күн өрүү – өрүү өлгөм үүнүүнү хомуйдубут диэн хаһаайыннар үөрэ – көтө кэпсииллэр. Тиэргэн силигэ