💦"*УОПСАЙ БААННЬЫК*"💦
💦"*УОПСАЙ БААННЬЫК*"💦 Алтынньы ый 29 күнүгэр Сунтаар нэһилиэгин дьокутааттарын 13 уочараттаах мунньаҕар көрүллүбүт боппуруоска хоруй: 2012 сылтан нэһилиэк уопсай баанньыгын «Жилкомсервис» ХЭТ иһинэн тэриллибит "Заря" ХЭТ үлэлэтэн кэллэ. Сыл аайы үлэ барарыгар олохтоох бюджеттан көмө уп (субсидия) керуллэр. Кэккэ сылларга бюджет боппуруоһа олус сытыырхайда, харчы кырыымчык буолан бу боппуруос хос көтөҕүлүннэ. 2025-2026 сыллары ылан көрөр буоллахха: 2025 сыл субсидия 2 млн бэриллибит, тэрилтэ ороскуота, манна киирэр: үлэһит хамнаһа, уот харчыта, СЭС ирдэбилэ, бөх, уу таһыы, хаһаайыстыбаннай оросхуот, оттук маны барытын ааҕан туран 2025 сыл түмүгүнэн *-964374,93* солк барбыттар. Онтон 2026 сылга субсидия 2 млн 300 тыс дылы улаатан сөбүлэҥ түһэрсибиттэриттэн 1 млн 200 тыс бюджеттан көмө барбыт, алта ый түмүгүнэн оросхуот *-862295,97* солк тэҥнэспит, бу 2024 сылтан уот харчыта үрдээбитэ тэрилтэҕэ охсуулаах буолла. Онтон хаалбыт уп (субсидия) суумматын төлүүргэ эбии үп-харчы көрдөөһүн боппуруоһугар улахан быһаарыныы, суот-учуот кэннэ, икки өттүттэн сөбүлэҥ түһэрсэн үчүгэй кэмнэр кэлиэхтэрэ диэн эрэнэн туран баанньык үлэтин тохтоторго быһаарыннылар. Уопсай баанньыгынан нэдиэлэҕэ ортотунан 60-70 киһи туһанар эбит, бу хайдах да, тэрилтэ ороскуотун саппат. ЖКС тэрилтэ бэйэтэ улахан транспортаах, үлэһиттэрдээх эрэ буолан төһө да минуска үлэлээтэр, нэһилиэнньэни өйөөн үлэлэтэ сатаата да, бюджекка кырыымчык кэм тэрилтэни эмиэ тумнубата. Убаастабыллаах Сунтаар нэһилиэгин олохтоохторо сөпкө өйдүөххүт диэн эрэнэбит. Олохтоох дьаһалта.
Канал в каталоге Максиметера
365 подписчиков · Госорганы и учреждения