"Сунтаар улууһа (оройуона)" муниципальнай оройуон дьаһалтатын, улуус депутаттарын Сэбиэ... — 16 июня 2026 г. в 12:16:13.035
"Сунтаар улууһа (оройуона)" муниципальнай оройуон дьаһалтатын, улуус депутаттарын Сэбиэтин ааттарыттан С.Г. Кривошапкин аатынан Сунтаардааҕы дьиэ кэргэни кытта үлэлиир Киин директора ЛЕОНТЬЕВА ЛЮДМИЛА ВАСИЛЬЕВНА эдэр сааһыгар ыарахан ыарыыттан соһуччу орто дойду олоҕуттан туораабытынан кини дьиэ кэргэнигэр, аймахтарыгар дириҥ кутурҕаммытын биллэрэбит. Людмила Васильевна 2023 сыллаахха С.Г. Кривошапкин аатынан Сунтаардааҕы дьиэ кэргэни кытта үлэлиир Киин директорын эбээһинэһин толорооччунан, онтон 2024 сылтан директорынан ананан үтүө суобастаахтык үлэлээбитэ. Кини үрдүк таһымнаах профессионалын бэлиэтээн уонна социальнай хайысха сайдыытыгар киллэрбит тус кылаатын иһин Ил Түмэн бэрэссэдээтэлин үрүҥ көмүс бэлиэлээх Махтал суругунан, Россия социальнай харысхалын 105 сылынан Грамотанан, уо.д.а. араас таһымнаах Грамоталарынан, Махтал суруктарынан наҕараадаламмыта. Людмила Васильевна сырдык мөссүөнэ, айымньылаах үлэтэ, киһи быһыытынан дьоҥҥо-сэргэҕэ амарах сыһыана чугас дьонугар, үлэлээбит коллективыгар өрүү үтүө өйдөбүл буолуоҕа. «Сунтаар улууһа (оройуона)» МО баһылыга А.В. Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова