"Сунтаар улууһа (оройуона)" муниципальнай оройуон дьаһалтатын, улуус(оройуон) депутатта... — 16 июня 2026 г. в 09:11:48.260
"Сунтаар улууһа (оройуона)" муниципальнай оройуон дьаһалтатын, улуус(оройуон) депутаттарын Сэбиэтин ааттарыттан Үлэ ударнига, Сибээс бэтэрээнэ, Связь России үрүҥ көмүс мэтээллээх үлэ бэтэрээнэ, элбэх оҕолоох, элбэх сиэннээх, хос сиэннээх ыал мааны ийэтэ, эйэҕэс эбээтэ ИГНАТЬЕВА НИНА НИКОЛАЕВНА ыарахан ыарыыттан сирдээҕи олоҕун түмүктээбитинэн кини оҕолоругар, сиэннэригэр, аймахтарыгар дириҥ кутурҕаммытын биллэрэбит. Нина Николаевна Игнатьева 19.02.1953 сыллаахха төрөөбүтэ. 1970 с. орто оскуоланы бүтэрээт, Сунтаар почтатыгар почтальонунан үлэтин саҕалаабыта. Салгыы кини Якутскайга сибээс техникумугар үөрэнэн 1975 сылга ситиһиилээхтик бүтэрбитэ уонна Сунтаарга сибээс узелыгар технигынан киирбитэ. Сөбүлүүр идэтинэн ханна да халбаҥнаабакка бочуоттаах сынньалаҥҥа тахсыар дылы үтүө суобастаахтык 38 сыл үлэлээбитэ. Нина Николаевна үтүө майгыта, киһи быһыытынан дьоҥҥо-сэргэҕэ амарах сыһыана чугас дьонун өйүгэр-сүрэҕэр өрүү тыыннаах хаалыаҕа. «Сунтаар улууһа (оройуона)» МО баһылыга А.В. Григорьев Сунтаар улууһун (оройуонун) депутаттарын Сэбиэтин бэрэссэдээтэлэ У.Д. Попова