Бэс ыйын 11 күнүгэр Сунтаар улууһун депутааттарын Сэбиэтин XXIII ыҥырыылаах мунньаҕа бу... — 13 июня 2026 г. в 09:32:06.140
Бэс ыйын 11 күнүгэр Сунтаар улууһун депутааттарын Сэбиэтин XXIII ыҥырыылаах мунньаҕа буолла. Сессияҕа 8 боппуруос көрүлүннэ. Ол иһигэр 2025 сыллааҕы бюджет туолуута, 2026 сыллааҕы бюджекка уларыйыылар, сиргэ уонна муниципальнай сулууспалаахтарга туһааннаах Балаһыанньалар көрүлүннүлэр. Депутаттар бюджет уустугун бэлиэтээн элбэх боппуруостары туруордулар уонна инникитин ороскуот өттүгэр сиһилии анализ ыытан дьүүллээһиҥҥэ таһаарары бэлиэтээтилэр. Маны таһынан улуус икки оскуолатыгар: Сунтаар политехническай лицейыгар - Сосин Олег Константинович, Сунтаар үһүс нүөмэрдээх оскуолатыгар - Иванов Климент Егорович ааттарын иҥэрэргэ сөбүлэҥнэрин биэрдилэр. Сунтаар улууһа 225 сылынан, Сунтаар улууһун Бочуоттаах олохтооҕун иҥэрии туһунан балаһыанньаҕа олоҕуран, депутааттар 9 киһиэхэ: Винокуров Валерий Константиновичка, Гаврилов Владимир Саввичка, Максимов Игорь Дмитриевичка, Пустолякова Людмила Николаевнаҕа, Кириллин Михаил Спиридоновичка, Данилов Пантелеймон Дмитриевичка, Дьячковская Валентина Григорьевнаҕа, Михайлова Ирина Ильиничнаҕа, Ноговицын Александр Анатольевичка Сунтаар улууһун Бочуоттаах олохтооҕо ааты иҥэрдилэр. Улууспут сайдыытыгар сүҥкэн кылааттарын киллэрбит тумус туттар дьоннорбутун эҕэрдэлиибит.