Ытыктабыллаах Сунтаар улууһун олохтоохторо!
Ытыктабыллаах Сунтаар улууһун олохтоохторо! "Сунтаар улууһа (оройуона)" муниципальнай оройуон дьаһалтатын, улуус Сэбиэтин депутаттарын уонна тус бэйэбит ааппытыттан Саха Өрөспүүбүлүкэтин былааҕын күнүнэн эһигини барыгытын ис сүрэхпититтэн эҕэрдэлиибит! Саха Өрөспүүбүлүкэтин Судаарыстыбаннай былааҕа – Саха сирин суверенитетын, уратытын, үтүө үгэстэрин, кэлэр кэскилин кэрэһэлиир ытык бэлиэбит буолар. 1992 сыл алтынньы 14 күнүгэр Саха АССР Үрдүкү Сэбиэтин VI сессиятыгар ылыныллыбыта. Былаах ааптардарынан худуоһунньуктар Людмила Слепцова, Аина Захарова, Михаил Старостин буолаллар. Былаах 4 өҥнөөх, ол курдук: от күөх - уйгу-быйаҥ, халлаан күөх - ыраас эйэлээх халлааны, кыһыл - олох кэрэтин ойуулуур, төрөөбүт дойдуга бэриниилээх буолууну бэлиэтииллэр. Оттон былаах үөһэ ортотугар үрүҥ күн - өбүгэлэри кытары ситими көрдөрөр. Кини өҥнөрө күөх халлааммытын, ыраас хаарбытын, тыыннаах айылҕабытын, күүстээх санаабытын, үтүө эрэлбитин кэпсиир. Бу былаах анныгар биһиги сомоҕолоһон, биир санаанан өрөспүүбүлүкэбит чэлгийэ сайдарын туһугар үлэлиибит, олоробут. Бу бэлиэ күҥҥэ барыбытыгар чэгиэн доруобуйаны, дьолу-соргуну, үлэҕэ-үөрэххэ ситиһиилэри, эйэлээх олоҕу уонна Сахабыт сирин туһугар биир санаанан үлэлиирбитигэр-хамсыырбытыгар баҕарабыт! Өрөспүүбүлүкэбит былааҕа үрдүктүк күөрэйдин, кэлэр кэскилбит сырдык буоллун! «Сунтаар улууһа (оройуона)» муниципальнай оройуон баһылыга А.В.Григорьев Сунтаар улууһун депутаттарын Сэбиэтин бэрэссэдээтэлэ У.Д. Попова.