*Анал байыаннай дьайыы зонатыгар Сунтаар улууһун делегацията айанныаҕа* — 22 июля 2026 г. в 09:44:53.946
*Анал байыаннай дьайыы зонатыгар Сунтаар улууһун делегацията айанныаҕа* 🔁Сунтаар улууһун баһылыга Анатолий Григорьев салайааччылаах делегация анал байыаннай дьайыы зонатыгар барыыга бэлэмнэнэр. Кинилэр биир дойдулаахтарбытыгар, байыаннай сулууспалаахтарга наадалаах малы-салы тиэрдиэхтэрэ. Бу улахан үлэҕэ "Харысхал" волонтерскай хамсааһын көхтөөх кыттыыны ылла. Кинилэр уопсайа 400-чэ киилэ гуманитарнай көмөнү хомуйдулар. Ол иһигэр, волонтердар бэйэ күүһүнэн хаххалыыр сиэккэлэри баайан бэлэмнээтилэр. Бары хомуллубут мал-сал уонна көмө тустаах сиригэр тиийэрин туһугар делегация чилиэттэригэр туттардылар. Салайааччылар бу көмөнү биһиги буойуттарбытыгар тиэрдиэхтэрэ. _Сунтаар улууһун дьаһалтатын пресс-сулууспата_
283 просмотров