Кэмпэндээйи суолугар үлэ барар — 23 июля 2026 г. в 09:20:41.857
Кэмпэндээйи суолугар үлэ барар 🔹Бүгүн, ол эбэтэр от ыйын 23 күнүгэр, Дьокуускайтан СӨ массыына суолун управлениетыттан уонна Кэмпэндээйи суолугар муостаны тутууга үлэлээбит «Строймост» тэрилтэтиттэн кэлэн ардах содулуттан алдьаммыт суолу көрдүлэр. Манна кинилэри сэргэ улууспутуттан баһылык Анатолий Григорьев, бастакы солбуйааччы Павел Григорьев, бу суол көрүүтүгэр үлэлиир «Сунтарцеолит», улуустааҕы тутуу управлениетын бэрэстэбиитэлэрэ сырыттылар. 🔹Алдьаныыны чөлүгэр түһэрэр хамыыһыйа үлэтин түмүгүнэн, бу суол кэрчигэр айан сырыытын олохтоон суол оҥоһуллар буолла. Үлэни «Сунтарцеолит» тэрилтэтэ толоруоҕа. Суолу оҥоруу бүгүҥҥэттэн саҕаланна. 🔹Көрүү-истии түмүгүнэн акт оҥоһулунна. Ол кэннэ суолу оҥорууга төһө үп-харчы ороскуоттаныаҕын, үлэ кээмэйин ааҕан ааҕан-суоттаан өрөспүүбүлүкэ үлэ ыытыаҕа. Суол оҥоруутун бырайыагын бу сылга оҥорон үлэни түргэн кэминэн саҕалыылларын күүтэбит. Барыта үптэн-харчыттан тутулуктаах. ✍Яина ВЛАСЬЕВА 👉https://сунтаарсонуннара.рф/kempendeeji-suolugar-үle-barar/