"Сунтаар улууһа (оройуона)" муниципальнай оройуон дьаһалтатын, улуус (оройуон) депутатт... — 22 июля 2026 г. в 09:14:12.991
"Сунтаар улууһа (оройуона)" муниципальнай оройуон дьаһалтатын, улуус (оройуон) депутаттарын Сэбиэтин ааттарыттан Саха Өрөспүүбүлүкэтин үөрэҕириитин туйгуна, Саха Өрөспүүбүлүкэтигэр оҕо иитиитигэр үтүөлэрин иhин знагынан, Государственнай мунньах «Ил Түмэн» бастайааннай кэмитиэтин Почетнай Грамотатынан, Үөрэҕирии министерствотын Грамотатынан наҕараадаламмыт, ыал мааны ийэтэ, эйэҕэс эбээтэ Миронова (Иовлева) Елизавета Прокопьевна ыарахан ыарыыттан сирдээҕи олоҕун түмүктээбитинэн кини тапталлаах кэргэнигэр Александр Николаевич Мироновка, оҕолоругар, сиэннэригэр, чугас аймахтарыгар дириҥ кутурҕаммытын биллэрэбит. Елизавета Прокопьевна Хаҥалас улууһун Нөмүгү нэһилиэгэр төрөөбүтэ. 1975 сыллаахха Намнааҕы педучилищены бүтэрэн, уруһуй, черчение уонна домоводство учууталынан Элгээйи нэһилиэгэр ананан кэлэн оскуола иннинээҕи саастаах оҕолордуун өр сылларга үлэлээн, онтон “Кэнчээри” оҕо уһуйааныгар сэбиэдиссэйинэн ананан бочуоттаах сынньалаҥҥа тахсыар дылы 39 сыл үлэлээбитэ. Кэлин улуус киинигэр киирэн, сокуоннай саастарын ситэ илик оҕолору реабилитациялыыр “Кэскил” кииӊӊэ баспытааталынан үтүө суобастаахтык үлэлээбитэ. Иллэҥ кэмигэр тарбаҕар талааннаах буолан, оҕуруонан тиһэн 25-с араас көрүӊӊэ биһирэнэр үлэлэрдээх, нэһилиэк, улуус ыытар тэрээһиннэригэр куруук кыттар актыыбынай позициялаах буолара. Елизавета Прокопьевна үтүө майгыта, кэргэн, ийэ, коллега быһыытынан дьоҥҥо-сэргэҕэ амарах сыһыана чугас дьонун, бииргэ үлэлээбит коллегаларын өйүгэр-сүрэҕэр өрүү тыыннаах хаалыаҕа. «Сунтаар улууһа (оройуона)» МО баһылыга А.В. Григорьев Сунтаар улууһун (оройуонун) депутаттарын Сэбиэтин бэрэссэдээтэлэ У.Д. Попова