*Анал байыаннай дьайыы зонатыгар Сэргэ тириэрдиллиэҕэ: Сунтаар делегациятын ытык айана* — 21 июля 2026 г. в 10:24:39.675
*Анал байыаннай дьайыы зонатыгар Сэргэ тириэрдиллиэҕэ: Сунтаар делегациятын ытык айана* 🔁От ыйын бүтүүтэ Сунтаар улууһун баһылыга Анатолий Григорьев салайааччылаах делегация анал байыаннай дьайыы зонатыгар айаны тутуоҕа. Кинилэр гуманитарнай көмөнү таһынан, биир ытык бэлэҕи - мас ууһа Александр Игнатьев оҥорбут сэргэтин илдьиэхтэрэ. Сэргэ - саха киһитин олоҕор ытык бэлиэ, күүс-уох бэлиэтэ. Кини киһи санаатын бөҕөргөтөр, силигин ситэрэр аналлаах. Бу сэргэ анал байыаннай дьайыыга кыттыыны ылар Саха сирин байыастара арчыланар сирдэригэр туруоруллуоҕа. Буойун, көмүскээччи эр дьон сүрдэрин бөҕөргөтөр, кыайыыга сирдиир аналлаах сэргэ 4,8 миэтэрэ үрдүктээх, 30 сантиметр эргимтэҕэ тиийэр уонна 300 киилэ ыйааһыннаах. Бу сүҥкэн бэлиэ саха дьонун уйулҕатын күүһүн, өбүгэ үгэһигэр бэриниилээх буолуутун көрдөрөр. Сэргэ силигэ ситэн, бүгүн Миирнэйгэ ыытылынна. Онтон салгыы анал байыаннай дьайыы зонатыгар тиийиэҕэ. _Сунтаар улууһун дьаһалтатын пресс-сулууспата_