Ытыктабыллаах Дмитрий Дмитриевич! — 20 июля 2026 г. в 06:59:35.725
Ытыктабыллаах Дмитрий Дмитриевич! Эйигин Сахабыт сирин киин куората Дьокуускай мэрынан үрдүк дуоһунаска анаммыккынан Сунтаар улууһун дьаһалтатын, улуус депутаттарын Сэбиэтин уонна тус бэйэбит ааппытыттан итиитик-истиҥник эҕэрдэлиибит! Дьокуускай куорат – Сахабыт Өрөспүүбүлүкэтин сүрэҕэ, кини сайдыыта биһиэхэ барыбытыгар улахан суолталаах. Бу эппиэтинэстээх үлэҕэр Эн баай салайар уопуккун, туруоруммут сыалгын ситэргэ күүстээх дьулуургун Дьокуускай куорат инники кэскилин туһугар толору туһаныаххыт диэн эрэнэбит. Эн сатабыллаах салайыыгынан киин куораппыт өссө үүнүө-сайдыа, дьонун-сэргэтин олоҕун таһыма үрдүө, өрөспүүбүлүкэ сайдыытыгар саҥа күүһү биэриэ диэн бигэ эрэллээхпит. Сунтаар улууһа Дьокуускай куораты кытта мэлдьитин ыкса ситимнээхпит уонна инникитин даҕаны бииргэ айымньылаахтык үлэлииргэ бэлэммит. Дмитрий Дмитриевич! Эйиэхэ чэгиэн доруобуйаны, ситиһиини, күүһү-уоҕу, дьиэ кэргэӈӈэр дьолу-соргуну уонна Дьокуускай куорат сайдыытыгар туһаайыллар бары бырайыактаргыт толору олоххо киирэллэригэр баҕарабыт! Сунтаар улууһун дьаһалтатын баһылыга А. В. Григорьев Улуус депутаттарын Сэбиэтин бэрэссэдээтэлэ У. Д. Попова