❗Сунтаарга ардахтаах күн-дьыл туран от ыйын 19 күнүттэн улууска муниципальнай таһымнаах... — 19 июля 2026 г. в 10:51:55.880
❗Сунтаарга ардахтаах күн-дьыл туран от ыйын 19 күнүттэн улууска муниципальнай таһымнаах ыксаллаах быһыы-майгы режимын биллэрдилэр. ❗ Ол курдук, күүстээх ардах кэнниттэн үгүс оттуур ходуһалар ууга барбыттар. Ходуһаларга тиийэр суол алдьанан, тиэхиньикэ сырыытыгар күчүмэҕэйдэр үөскээтилэр.Ону тэҥэ, хас да дьиэҕэ уу киирдэ, сорох сирдэринэн өрүс биэрэгэ сиҥнэн түстэ. Түспүт ардах Устье-Кэмпэндээйи, Тэҥкэ (Амыкан) туһаайыытынан уу суолу быста. ❗Бүгүн буолбут КЧС сүбэ мунньаҕыгар нэһилиэк дьаһалталарыгар тахсыбыт содулу туоратарга сорудахтаатылар. ❗Тэрилтэ салайааччыларыгар күнүстэри-түүннэри дьуһуурустуба олохтуурга, ону тэҥэ, тахсыбыт содулу туоратыыга тиэхиньикэнэн көмөлөһөргө эттилэр. ❗Күннэтэ уу туругун туһунан ЕДДС *22102* биллэрэн иһэллэригэр ыҥырдылар.